बुटवल । अखिल नेपाल जनताति सम्मेलन रुपन्देहीले तिलोत्तमा २०७७ पुस ४ गते प्रथम नगर भेला सम्पन्न गरेको छ ।
जनजाति सम्मेलन लुम्बिनी प्रदेश समितिका सदस्य बिमलकुमार श्रीसको प्रमुख आतिथ्यता तथा ज्येष्ठ नागरिक बलबहादुर थापाको अध्यक्षतामा सो भेला सम्पन्न भएको हो ।
भेलामा राष्ट्रिय जनमोर्चा तिलोत्तमा नगर समितिका अध्यक्ष रुकबहादुर पराजुली र जातीय समता समाजका रुपन्देही जिल्ला सदस्य यामबहादुर शुभकामना मन्तब्य दिनुभएको थियो ।
भेलाले जीतबहादुर रानाको अध्यक्षतामा नौ सदस्यीय नगर समिति चयन गरेको छ । समितिको उपाध्यक्षमा मिनु थापा, सचिवमा नगेन्द्रराज श्रीनेत, सहसचिवमा सिवा थापा र कोषाध्यक्षमा निर्मला श्रीस रहनुभएको छ । त्यस्तै समितिको सदस्यमा नुमा जिएम, लक्ष्मी काउचा, शेरबहादुर थापा र बबिता सोमै रहनुभएको छ ।
एवम् प्रकारले भेलाले बलबहादुर थापा, मोहन श्रेष्ठ र देवी छन्त्याललाई सल्लाहकारमा चयन गरेको छ ।
