मकवानपुर । नेकपा (मसाल), राष्ट्रिय जनमोर्चा, नेकपा (क्रान्तिकारी–माओवादी), नेकपा (माओवादी–केन्द्र), नेकपा (माले), मजदुर किसान पार्टी, वैज्ञानिक समाजवादी पार्टी, देशभक्त जनतान्त्रिक मोर्चा र समाजवादी अध्ययन केन्द्रले मकवानपुरमा कोणसभा सम्पन्न गरेका छन् ।
ढिलो गरी प्राप्त समाचारअनुसार ‘राष्ट्रियता, गणतन्त्र र धर्म निरपेक्षताको रक्षा गरौँ, सत्ताको अन्याय, अत्याचार, भ्रष्टाचार एवम् प्रतिगामी विरुद्ध सङ्घर्ष गरौँ’ भन्ने उद्घोष गर्दै पुस १ गते सो कोणसभा सम्पन्न भएको हो ।
सभामा बोल्ने वक्ताहरूले एमसिसीबाट हुने राष्ट्रघात, सीमा अतिक्रमण, महङ्गी, भ्रष्टाचारको बारेमा भनाइ राखेका थिए ।
राष्ट्रिय जनमोर्चा मकवानपुरका अध्यक्ष निरबहादुर सिन्तानले सञ्चालन गर्नुभएको सभामा नेकपा (मसाल) मकवानपुरका प्रवक्ता रामहरि धिताल, राष्ट्रिय जनमोर्चा मकवानपुरका उपाध्यक्ष ओविन्द्रबहादुर लुइँटेल, नेकपा (क्रान्तिकारी–माओवादी) मकवानपुरका जिल्ला इन्चार्ज पारस, नेकपा (माओवादी–केन्द्र) मकवानपुर जिल्ला इन्चार्ज विज्ञान लामा, नेकपा (माले) मकवानपुरका कार्यालय सचिव हरिकृष्ण अधिकारी, मजदुर किसान पार्टी मकवानपुरका प्रमुख दिपेन्द्र श्रेष्ठ, वैज्ञानिक समाजवादी पार्टीका केन्द्रीय सदस्य सुदीप विश्वकर्मा, देशभक्त जनतान्त्रिक मोर्चा मकवानपुरका अध्यक्ष सन्देश लामा, समाजवादी अध्ययन केन्द्र मकवानपुरका जयराम रायमाझीलगायतले मन्तव्य राखेका थिए ।
