दाङ । राष्ट्रिय जनमोर्चा बङलाचुली गाउँ समितिले विभिन्न सार्वजनिक विषयमा गाउँपालिकाको ध्यानाकर्षण गराएको छ । राजमोले गाउँपालिकाका अध्यक्ष भक्तबहादुर वलीलाई पालिकाभित्रका समस्याहरुबारे ध्यानाकर्षण गराएको हो ।

बङगलाचुली गाउँपालिकामा बन्दै गरेको बाटो, विकास निर्माणका काम, चुनढुङ्गा खानिका मजदुरका समस्या, चुनढुङ्गा उत्खनन् प्रभावित जनताका समस्या, बेरोजगार स्थानीय युवाको समस्यालगायतका विषयमा गाउँपालिकाको ध्यानाकर्षण गराइएको राजमोले जनाएको छ ।

राजमो जिल्ला अध्यक्ष गणेश आचार्यको नेतृत्वमा गएको टोलीमा गाउँ समितिका अध्यक्ष सुमन घर्ती, सचिव यमबहादुर घर्ती, सदस्यहरु सुर्यबहादुर खत्री, हुकुम राना, भिमबहादुर थापा, केदार परियार, भिमनिधी तिवारी, श्याम महरा, लोक बहादुर घर्ती लगायतको सहभागिता थियो ।

बङगलाचुलीमा राजमोको भेला, गाउँ समिति गठन