नवराज पौडेल,कपिलवस्तु ।
राष्ट्रिय जनमोर्चा कपिलवस्तुले आज जिल्लाका दुई स्थानमा विरोध सभा सम्पन्न गरेको छ । बुधबार वाणगंगा नगरपालिकाको कोपहवा र ओडारिमा कोण सभा सम्पन्न गरिएको हो ।

‘गणतन्त्र, राष्ट्रियता र धर्मनिरपेक्षताको रक्षा गरौँ, संघीयता र भ्रष्टाचारको विरोध गरौँ’ भन्ने नाराका साथ राजमो जिल्ला समितिले एकहप्ते अभियान सञ्चालन गरिरहेको छ । सोही अभियान अन्तर्गत कोणसभाको आयोजना गरिएको राजमो कपिलवस्तुले जनाएको छ ।

कोपाहवामा आयोजित सभालाई राजमो जिल्ला अध्यक्ष दधिराम आचार्य र उपाध्यक्ष रामप्रसाद बेल्बासेले सम्बोधन गर्नु भएको थियो । त्यसक्रममा नेताहरुले संघीयता खारेजी अहिलेको नेपाली जनताको राष्ट्रिय मुद्दा भएको बताउँदै राजमोले उठाएको माग अहिले जनताले बुझेको बताउनु भयो । सभाको सञ्चालन सिद्धि आचार्यले गर्नुभएको थियो ।

यसैगरी ओडारीमा मानबहादुर नेपालीको सञ्चालनमा भएको कोण सभालाई पनि जिल्ला अध्यक्ष आचार्य र उपाध्यक्ष बेल्बासेले सम्बोधन गर्नुभएको थियो ।

शिवराज नगर समितिको भेला
यसै क्रममा राष्ट्रिय जनमोर्चा शिवराज नगर समितिको तेस्रो भेला पनि सम्पन्न भएको छ । चनौटामा सम्पन्न भेलाको अध्यक्षता केहरसिंह पुनले गर्नुभएको थियो ।

भेलालाई राजमो जिल्ला कोषाध्यक्ष चेतनारायण खनाल र जिल्ला सल्लाहकार तथा अखिल नेपाल ट्रेड युनियन महासंघ (अन्टुक) का केन्द्रीय सदस्य केरसिंह अदैले सफलताको शुभकामना दिनुभएको थियो ।

त्यस्तै, जातीय समता समाजका केन्द्रीय अध्यक्ष दिल बहादुर विक, जिल्ला अध्यक्ष वालाराम सुनार, अखिल नेपाल महिला संघकी जिल्ला सहसचिव बिनिता अदैले पनि मन्तव्य राख्नु भएको थियो । बेगम बुढा मगरको सञ्चालनमा सम्पन्न कार्यक्रममा हरिमाया भण्डारीले स्वागत गर्नु भएको थियो ।

भेलाले केरसिंह पुनको अध्यक्षतामा नयाँ समिति गठन गरेको छ । समितिको उपाध्यक्षमा हरिमाया भण्डारी, सचिव बेगम बुढा मगर, सहसचिव बिनिता अदै र कोषाध्यक्षमा प्रकाश विक चयन हुनु भएको छ । सदस्यहरुमा रामबहादुर विक, वालाराम सुनार, मोहन चौधरी, रामदेव कुर्मी, तोरबहादुर जिसी, रामबहादुर चमार, मानबहादुर बोहरा, भीमबहादुर सोमै रहनुभएको छ भने वैकल्पिक सदस्यमा हुसेन मुल्ला, झकबहादुर विक हुनुहुन्छ ।

यसैगरी सल्लाहाकारमा चेतनारायण खनाल, केरसिंह अदै, छन्दबहादुर केसी, कर्मराज चौधरी, इन्द्रा जिसी र पद्म जिसी चयन हुनुभएको छ । भेला पछिको बैठकले माघ महिनासम्म वडाहरुमा भेला बैठक, प्रशिक्षण, सदस्यता वितरण गर्ने, राजमोको संघीयता खारेजीको आन्दोलनलाई सफल पार्ने निर्णय गरेको छ । नव निर्वाचित समितिलाई छन्द बहादुर केसी, माइत बहादुर सुनार, र तोर बहादुर जिसीले शुभकामना दिनु भएको थियो ।