काठमाडौं । ओमानमाजारी टि–२० क्रिकेट प्रतियोगितामा नेपाल आयरल्याण्डसँग पराजित भएको छ । पाँचदेशीय टि–२० क्रिकेट शृंखला अन्तर्गतको आफ्नो तेस्रो खेलमा नेपाल आयरल्यान्डसँग १५ रनले पराजित भएको हो ।
आयरल्यान्डले दिएको १४६ रनको लक्ष्य पछ्याएको नेपालले १ बल बाँकी रहँदा सबै विकेट गुमाएर १३२ रन मात्र बनाउन सक्यो ।यसअघि आइतबार भएको पहिलो खेलमा हङकङलाई पराजित गरेको नेपालले सोमबार नेदरल्याण्डलाई हराएको थियो ।
बुधबारको खेलमा नेपालकालागि कप्तानपारस खड्काले २५, इसान पाण्डेले २२, आरिफ सेखले २६ र दीपेन्द्रसिंह ऐरीले १९ रनको योगदानदिए । अन्य ब्याट्सम्यानले राम्रो रन बनाउन सकेनन् ।आयरल्यान्डका लागिजर्ज हेनरी र मार्क ऐडिरले समानतीन–तीनविकेट लिए । बलिङतर्फ नेपालकालागि सन्दिप लामिछानेले दुई, अविनाश बोहराले दुई, ललित राजबंशीले एक र करन केसीले एक विकेट लिएका थिए ।
आयरल्यान्डका लागि स्टरलिङ र एन्डीले ८८ रनको पाटनरसिप गरेका थिए । ओपनिङमा आएका स्टरलिङले ४७बलमा ५९ रन बनाए । त्यस्तै, एन्डीले २८ बलमा ३८ रन बनाए। थोमसनले अन्तिम ओभरमा दुई छक्काको मद्धतमा १८ रन बनाएर आफ्नो खातामा २१ रन जोडेकाथिए ।
ओमान क्रिकेटले आयोजना गरेको शृंखलामा नेपाल, आयोजक ओमान, हङकङ, नेदरल्याण्ड र टेष्ट राष्ट्र आयरल्याण्ड रहेका छन् । नेपाललाई जितेको आयरल्यान्डले यसअघि हङकङ र नेदरल्याण्डलाई पराजित गरेको थियो भने आयोजक ओमानसँग हार चाखेको थियो ।
