सन्ध्या भट्टराई, बारा ।
महिलामाथि हुने सबैखालका हिंसा रोक्न माग गर्दै अखिल नेपाल महिला संघ बाराले सरकारलाई ज्ञापनपत्र बुझाएको छ । अनेमसंघले आइतबार देशभरिका जिल्ला प्रसासन कार्यालयहरु मार्फत सरकारको ध्यानाकर्षण गराउने कार्यक्रम अनुसार बारामा पनि जिल्ला प्रशासन कार्यालयमा ज्ञापन पत्र बुझाइएको हो ।
महिलामाथि भइरहेका बलात्कार, हत्या तथा पारिवारिक यातना लगायतका बिषयमा सरकारले प्रभावकारी कदम चाल्न नसकेको बिरोधमा ज्ञापन पत्र बुझाइएको संघले जनाएको छ ।
कार्यक्रममा अनेमसंघकी जिल्ला अध्यक्ष उर्मिलादेवि सापकोटाले ज्ञापनपत्र पढी प्रमुख जिल्ला अधिकारीलाई हस्तान्तरण गर्नु भएको थियोे ।
अखिल नेपाल महिला संघका कन्द्रीय सदस्य सरस्वती कार्कीको नेतृत्वमा गएको टोलीमा महिला नेत्रीहरु हेमा केसी, तारादेवी छेत्री, देवी आचार्य, गोमा पौडेलसहित राष्ट्रिय जनमोर्चा बाराका उपाध्यक्ष बालकृष्ण आचार्य, सचिव जीवन भट्टराई, सदस्य बृजप्रसाद चौधरी र युगदर्शनका बारा सम्वाददाता सन्ध्या भट्टराईको सहभागिता थियोे ।
