पुष्कर भट्ट
महेन्द्रनगर । लामो समयदेखि विश्व महामारीको रूपमा फैलिएका कोरोनाका कारणले देशमा लागेको लकडाउनपछि बन्द रहेका शेैक्षिक संस्थाहरू खोल्ने सम्बन्धमा भिमदत्त नगरपालिकाको शिक्षा शाखाले छलफल सम्पन्न गरेको छ।
नगर उपप्रमुख सुशीला चन्द्रको अध्यक्षतामा सुरु भएको कार्यक्रममा प्रमुख प्रशासकीय अधिकृत पुष्कर भट्ट, कार्यक्रमबारे जानकारी तथा सहजीकरण शिक्षा शाखा प्रमुख हरिदत्त जोशीले गर्नुभयो ।
कार्यक्रममा विभिन्न शिक्षक सङ्घ–सङ्गठनका प्रतिनिधि विद्यार्थी सङ्गठन नगर शिक्षा खास समिति, प्याब्सन, एनप्याब्सन, विद्यालयका प्रअ, सरोकारवालाहरूको उपस्थितिमा छलफल सम्पन्न भएको थियो ।
कार्यक्रममा अखिल (छैठौं) का महासचिव महेशराज जोशीले अहिले देश लकडाउनपछिको अवस्था अलि सहज भए पनि जोखिम कम नभएको जिकिर गर्नुभयो र अहिलेको शिक्षामन्त्री शिक्षाप्रति गैरजिम्मेवार रहेको र गैरजिम्मेवार शिक्षा मन्त्रालयले शिक्षामा उन्नति नगर्ने बताउनुभयो।
कार्यक्रममा नेपाल शिक्षक सङ्घका प्रदेश अध्यक्ष बिर्खबहादुर मल्लले विद्यालय खोल्नुपर्ने र विद्यालयको सम्पूर्ण जिम्मेवारी र समस्याको समाधान स्थानीय सरकारले गर्नुपर्नेमा जोड दिनुभयो ।
अखिल नेपाल शिक्षक सङ्घका जिल्ला अध्यक्ष ओमप्रकाश जोशीले विद्यालय खोल्नुपर्ने र सुरक्षासम्बन्धी व्यवस्था नगरपालिकाले गर्नुपर्ने बताउनुभयो ।
प्रअ पुष्प ओझाले भन्नुभयो– कक्षामा पिसिआर परीक्षण गराउने जिम्मेवारी नगरपालिकाले लिनुपर्ने बताउनुभयो ।
कार्यक्रममा अर्का प्रअ श्यामसिंह मौनीलगायतका शिक्षकहरु सहभातिा रहेको थियो ।
विद्यालय सञ्चालन गर्न विद्यालयको अवस्थाको मूल्याङ्कन गरी सम्पूर्ण तारतम्य मिलाएर विद्यालय सञ्चालन मङ्सिर १० गते विद्यालयले विद्यालयको सम्भाव्य रूपरेखा नगरपालिका बुझाउनुपर्ने र नगरपालिकाले १५ गतेसम्म मूल्याङ्कन गरी सञ्चालन गर्न सकिने भन्ने जानकारी भिनपा शिक्षा साखा प्रमुख हरिदत्त जोशीले बताउनुभयो । जोशीले विद्यालय यही महिनामा खोल्न सकिने जानकारी पनि दिनुभयो
