धनवीर पुन, नयाँदिल्ली (भारत) ।

मूल प्रवाह अखिल भारत नेपाली एकता समाज मध्य पश्चिमोत्तर क्षेत्रीय समितिको आयोजनामा अनलाइन प्रशिक्षण कार्यक्रम सम्पन्न भएको छ ।

कार्यक्रममा समाजका महासचिव ठाकुर खनाल, केन्द्रीय सदस्य नारायण शर्मा, सल्लाहकार धनवीर पुन मगर र सल्लाहकार वेलबहादुर रजालीले प्रशिक्षण दिनुभएको थियो ।

प्रशिक्षण कार्यक्रममा अनुशासन, भारतमा मूल प्रवाह अखिल भारत एकता समाजको स्थापना र महत्त्व, तात्कालिक राजनीतिक परिस्थिति तथा राजनीतिक पार्टी र क्षेत्रीय समितिको आगामी कार्यक्रमलगायतका विषय समेटिएको थियो ।

नारायण ज्ञावलीको सञ्चालन तथा इश्वरी आचार्यको अध्यक्षताबाट अगाडि बढेको सो प्रशिक्षण कार्यक्रममा एक मिनेट मौनधारणपछि उपस्थित जनसमुदायलाई तेजबहादुर घर्तीले स्वागत गर्नुभएको थियो ।