बुटवल । रक्तिम साँस्कृतिक अभियानको प्रशिक्षण बुटवलमा आजबाट सुरु भएको छ । राष्ट्रिय जनमोर्चाको क्षेत्रीय कार्यालयमा आजबाट सुरु भएको प्रशिक्षण कार्यक्रम यही असोज १७ गतेसम्म सञ्चालन हुने रक्तिम केन्द्रीय कार्यालयले जनाएको छ ।
कार्यक्रमको उद्घाटन अभियानका अध्यक्ष रेम रानाले एक समारोहका बीच गर्नुभएको छ ।
सचिव हेमराज आश्रमले सञ्चालन गर्नुभएको कार्यक्रममा अखिल नेपाल किसान महासंघका उपाध्यक्ष चन्द्र बहादुर केसी, नेकपा (मसाल) रुपन्देही जिल्ला प्रवक्ता नारायण जिसी, ५ नं. प्रदेशसभाका सांसद तारा जिसी, कम्युनिष्ट संग्राहलयका अध्यक्ष चेतनाथ आचार्य, अखिल नेपाल वुद्विजीवी संघका सचिवालय सदस्य दुर्गानाथ खरेल, अखिल नेपाल युवक संघका सदस्य हरी योगी, अखिल नेपाल जनजाति सम्मेलनका सदस्य राम बहादुर पुन, भिमलाल न्यौपाने लगायत नेताहरुले प्रशिक्षण सफलताको शुभकामना दिनुभएको थियो ।
६ दिनसम्म चल्ने प्रशिक्षणमा २० जिल्लाबाट ६० जना प्रशिक्षार्थीहरुको सहभागिता रहेको छ ।
