प्युठान । गौमुखि गाउँपालिका वडा नंं. ७ नारिकोटका राष्ट्रिय जनमोर्चा कार्यकर्ता पुर्ण बहादुर कुँवरको ५२ वर्षको उमेरमा बिहीबार निधन भएको छ । २०५३ सालमा साबिक नारिकोट गाउँपालिका वडा नं. ५ मा वडा अध्यक्ष निर्वाचित कुवँरको उच्च रक्तचापको कारण निधन भएको हो ।
स्वर्गीय कुँवरको पर्थिव शरीरमा नेकपा (मसाल)का जिल्ला प्रवक्ता ज्ञामुराम न्यौपानेले पार्टीको झण्डा ओढाई श्रद्वाञ्जली अर्पण गर्नुभयाे ।
यस्तै राजमाे वडा नं. ७ का वडा अध्यक्ष श्यामलाल पुरी, अखिल नेपाल युवक स३का केन्द्रीय सदस्य बरुणध्वाज मल्ल, राष्ट्रिय जनमोर्चा गौमुखि गाउँपालिका वडा नं. ४ पुजाका अध्यक्ष डुक बहादुर गुरुङ, नेकपाका थम्मन गुरुङलगायतका नेता कार्यकर्ताहरुले स्वर्गीय कुँवरप्रति अन्तिम श्रद्वाञ्जली दिनुभयाे । शाेक शभाको सञ्चालन राजमो नारिकोटका अध्यक्ष चन्द्र कुमालले गर्नुभएको थियो ।
पार्टी कार्यकर्ता, विभिन्न क्षेत्रका पार्टी प्रतिनीधि र सर्वसाधारणको उपस्थितीमा नारिकोटमा आजै उहाँको अन्तिम संस्कार गरिएको छ ।
