काठमाडौँ । आज २०८३ सालको बडादसैँ टीकाको दिन मौसम सफा रहनेछ । मौसम पूर्वानुमान महाशाखाले हाल देशमा पश्चिमी वायुको आंशिक प्रभाव रहेकोमा सामान्यत: मौसम सफा रहने जनाएको हो ।

महाशाखाले हाल देशका हिमाली र पहाडी भूभागमा आंशिक बादल लागेको तथा तराई भूभागमा मौसम मुख्यतया सफा रहेको जानकारी दिएको छ ।

दिउँसो देशको हिमाली र पहाडी भूभागमा आंशिक बादल लाग्नेछ तथा तराई भूभागमा मौसम मुख्यतया सफा रहनेछ ।

हिमाली भूभाग तथा कोशी र गण्डकी प्रदेशका पहाडी भूभागका एक/दुई स्थानमा भने हल्का वर्षा/हिमपातको सम्भावना रहनेछ ।

राति कोशी र गण्डकी प्रदेशका हिमाली र पहाडी भूभागमा आंशिक बादल लाग्नेछ । बाँकी हिमाली र पहाडी भूभागमा मौसम मुख्यतया सफा रहनेछ । तराई भूभागमा बिहानपख केही स्थानमा हुस्सु/कुहिरो लाग्नेछ ।