काठमाडौँ । ओलम्पिक काउन्सिल अफ एसिया (ओसिए) ले बिसौँ एसियाली खेलकुदको दौरान नेपाल ओलम्पिक कमिटीका चार जना र नेपालका एक खेल पत्रकारलाई प्रशंसापत्रसहित सम्मान गरेको छ ।
२०८३ असोज २६ गते ओसिएले नेपाल ओलम्पिक कमिटी (एनओसी) का सचिव रामकृष्ण श्रेष्ठ, सदस्य लाक्पा छिरिङ लामा, कार्यकारी सचिव सुजनलाल श्रेष्ठ, आइटी एन्ड कम्युनिकेसन अफिसर आयुश जोशीका साथै गोरखापत्र दैनिकका खेल पत्रकार प्रजित शाक्यलाई एसियाली खेलकुदको पदक र कदरपत्रसहित सम्मान गरेको हो ।
एसियाको सर्वाधिक ठुलो खेल मेला एसियाडको खेल भावना, एकता र सहभागिताका मूल्यमान्यताको प्रवर्धन र प्रचारप्रसार गरेको भन्दै उनीहरूलाई सम्मान गरिएको हो ।
बिसौँ एसियाली खेलकुद जापानको आइची नागोया सहरमा सेप्टेम्बर १९ देखि अक्टोबर ४ सम्म आयोजना भएको थियो । आइची नागोया एसियाडमा ४५ देशका खेलाडी र अफिसियल गरी करिब १७ हजारको सहभागिता रहेको थियो । नेपालका १ सय ३५ खेलाडीले २१ खेलमा सहभागिता जनाएका थिए ।
बिसौँ एसियाडमा नेपालले दुई काश्य पदक हासिल गरेको थियो । करातेका तेन्जिङ शेर्पा र महिला कबड्डी टोलीले नेपाललाई कास्य दिलाएका थिए ।
