भिवानी । मूल प्रवाह अखिल भारत नेपाली एकता समाज नगर समितिका सक्रिय कार्यकर्ता तथा इमानदार संगठनकर्मी प्रेमबहादुर थापाको गम्भीर रोगका कारण २०२६ अप्रिल २ मा भएको निधनप्रति श्रद्धाञ्जली अर्पण गर्दै उहाँको स्मृतिमा २०२६ जुलाई १४ मा नगर समितिको आयोजनामा श्रद्धाञ्जली सभा सम्पन्न गरिएको छ।
नगर समितिका उपाध्यक्ष जमानसिंह बिकको अध्यक्षता तथा नगर सचिव गोवर्धन बिकको सञ्चालनमा सम्पन्न कार्यक्रमको प्रारम्भमा दिवंगत थापाप्रति एक मिनेट मौनधारण गरी हार्दिक श्रद्धाञ्जली अर्पण गरिएको थियो।
श्रद्धाञ्जली सभामा मूल प्रवाह पश्चिम–उत्तर क्षेत्रीय समितिका अध्यक्ष तथा केन्द्रीय सचिव शालिकराम आचार्य, नगर समितिका श्याम बिक, अमित्रा बिक, अशोक बिक तथा मणिराम अधिकारीले दिवंगत थापाको व्यक्तित्व, संगठनप्रतिको निष्ठा, इमानदारी, संघर्षशीलता तथा संगठन निर्माणमा पुर्याउनुभएको योगदानबारे चर्चा गर्नुभएको थियो।
वक्ताहरूले थापाले संगठनको विस्तार, सुदृढीकरण र जनपक्षीय आन्दोलनमा पुर्याउनुभएको योगदान सदैव स्मरणीय रहने उल्लेख गर्दै उहाँले अधुरा छोडेका जिम्मेवारी तथा कार्यभारलाई दृढतापूर्वक अघि बढाउनु नै उहाँप्रतिको सच्चा श्रद्धाञ्जली हुने धारणा व्यक्त गर्नुभएको थियो।
कार्यक्रमले स्वर्गीय प्रेमबहादुर थापाप्रति भावपूर्ण श्रद्धाञ्जली अर्पण गर्दै शोकसन्तप्त परिवारजन, आफन्त तथा सम्पूर्ण साथीहरूप्रति हार्दिक समवेदना व्यक्त गरेको थियो।
