मेघराज रिष्मेली, टोकियो ।
गल्कोट समाज जापानको कान्साई क्षेत्रीय समितिको आठौँ अधिवेशन सम्पन्न भएको छ ।
२०८३ असार १६ गते मङ्गलबार सम्पन्न सो अधिवेशनको उद्घाटन समाजका संरक्षक तथा क्षेत्रीय सल्लाहकार आत्माराम गैरेले गर्नुभएको थियो ।
नरबहादुर थापाको अध्यक्षतामा अगाडि बढेको उक्त कार्यक्रममा विशिष्ट अतिथि समाजकै उपाध्यक्ष शिबु थापा हुनुहुन्थ्यो ।
अधिवेशनलाई जापान केन्द्रीय समितिका महासचिव दिलिप कँडेल, मालिका सेवा समाज कान्साईका अध्यक्ष नन्दलाल सापकोटा (नन्दु), एनआरएनए कान्साईका संयोजक भीम काउचा, हाम्रो दृष्टि राम्रो दृष्टि जापानका संयोजक विवेक कँडेल, बिहुँकोट समाज कान्साई अध्यक्ष लक्ष्मण न्यौपाने, गल्कोट समाज कास्की पोखराका उपाध्यक्ष गणेशबहादुर खत्री, गैरे सेवा समाज जापानका अध्यक्ष भुमप्रसाद गैरे, समाजसेवी हरि कँडेललगायतले शुभकामना दिनुभएको थियो ।
सन्देश बुढाथोकीको स्वागत तथा भूवन सापकोटाको सञ्चालनमा अघि बढेको सो कार्यक्रमले नयाँ समिति चयन गरेको छ ।
समितिको अध्यक्षमा सन्देश बुढाथोकी, उपाध्यक्षमा कौशल बोहोरा, कुमार घर्ती र अर्जुन कार्की, सचिवमा भूवन सापकोटा, सहसचिवमा गुरुदेव कँडेल, कोषाध्यक्षमा मनिराम कँडेल र सहकोषाध्यक्षमा समीर निउरे रहनुभएको छ ।
त्यस्तै सदस्यमा सुरेश थापा, जीवन घर्तीमगर, नवीन बुढाथोकी, दीपक पुन, सन्दीप थापा, गोपाल खड्का, यमुना शर्मा, पवित्रा भण्डारी, उमा बस्नेत, सलिना न्यौपाने, कृष्ण केसी र भीम केसी रहनुभएको छ ।,
अधिवेशनले युवा समंयोजकमा गणेश सिँजालीमगरलाई चयन गरेको बताइएको छ ।
