खिमराज चालिसे,
चण्डीगढ, जुन २८ । भारतको हिमाचल प्रदेशस्थित सिमलामा क्यान्सर रोगसँग संघर्षरत बलदेव महरालाई मूल प्रवाह चण्डीगढले आर्थिक सहयोग प्रदान गरेको छ।
रोल्पा जिल्लाको सुनिल स्मृति गाउँपालिका–४ का स्थायी बासिन्दा ४० वर्षीय महरा आर्थिक रूपमा विपन्न छन्। उनको आर्थिक अवस्था कमजोर रहेको तथा क्यान्सरजस्तो गम्भीर रोगसँग जुधिरहेको जानकारी पाएपछि मूल प्रवाह चण्डीगढका नेता तथा कार्यकर्ताहरूले उनको उपचार र जीवनरक्षाका लागि आर्थिक सङ्कलन अभियान सञ्चालन गरेका हुन्।
उक्त अभियानअन्तर्गत मानबहादुर केसीले भारु १,०००, थमन थापाले १,०००, सीमा खड्काले १,०००, लीला विकले ५००, रामप्रसाद शर्माले ५००, निशा सोनीले ५००, जुना चालिसेले ५००, सरस्वता भुसालले ५००, विष्णु अर्यालले ५००, तीर्था भुसालले ५००, तारा ज्ञवालीले ५००, सुनिता सुनारले ५००, मीना बन्जाडेले ५००, देवी थापाले ५००, लक्ष्मी अधिकारीले ३००, इन्दिरा पौडेलले २०० र सोबिता चौहानले २०० रुपैयाँ सहयोग गरेका छन्। यसरी सङ्कलन भएको कुल भारु ९,२०० (नेपाली रुपैयाँ १४,७२०), मोहन बुढा ५००, साबीत्रा कुवर ५००, सीता खड्का ५०० श्रीजना ओली ५०० दुर्गा रीजाल ५०० सिता खडकाले १५०००/- हजार गरि टोटल भारु २६७०० अर्थात नेरु ४२७२०/- हस्तांतरण गरिएको छ।
सङ्कलित रकम आज मूल प्रवाहका केन्द्रीय सचिवालय सदस्य दिनेश खड्का र नगर अध्यक्ष मानबहादुर केसीको नेतृत्वमा पीडितका परिवारलाई हस्तान्तरण गरिएको छ। सहयोग रकम हस्तान्तरण कार्यक्रममा जुना भण्डारी चालिसे, सीमा खड्का, लीला विकलगायत नेता–कार्यकर्ता तथा टोल समिति सदस्यहरूको सहभागिता रहेको थियो। उक्त रकम पीडितका दिदी सीता खड्कालाई हस्तान्तरण गरिएको जनाइएको छ।
मूल प्रवाह चण्डीगढले उपचाररत महराको स्वास्थ्यलाभको कामना गर्दै आवश्यक परेमा आगामी दिनमा पनि सहयोगका लागि पहल जारी राख्ने जनाएको छ।
