खिमराज चालिसे

चण्डीगढ (भारत) । भारतको चण्डीगढस्थित मूल प्रवाहको सेक्टर–२४ टोल समितिको वार्षिक भेला आइतबार, २१ जुन २०२६ मा सम्पन्न भएको छ।

मूल प्रवाहका नगर अध्यक्ष मानबहादुर केसीको प्रमुख आतिथ्यमा सम्पन्न भेलाले बिमला पाण्डे ‘ए’को अध्यक्षतामा नौ सदस्यीय नयाँ टोल समिति चयन गरेको छ। समितिको सचिवमा विष्णु पाण्डे र कोषाध्यक्षमा मधु सुवेदी चयन भएका छन्। सदस्यहरूमा जमुना खड्का, जीवा गुरुङ, प्रितम खड्का, दिलबहादुर पुन, बिमला पाण्डे ‘बी’ र तिलबहादुर घर्तीमगर रहेका छन्।

नवनिर्वाचित समितिलाई नगर उपाध्यक्ष प्रेम गुरुङ, नगर सदस्य तथा एरिया अध्यक्ष दुर्गा विक, नगर सदस्य तथा एरिया सचिव अर्जुन विकलगायतले बधाई तथा शुभकामना व्यक्त गरेका थिए।

कार्यक्रम जमुना खड्काको अध्यक्षता तथा बिमला पाण्डे ‘ए’को सञ्चालनमा सम्पन्न भएको थियो।