बुटवल । प्रगतिशील पत्रकार संघ, नेपाल रुपन्देहीले नेपाल पत्रकार महासंघ रुपन्देहीका उपाध्यक्ष दिनेश पाण्डे र केन्द्रीय सभासद भगवती पाण्डेमाथि भएको दुर्व्यवहारप्रति आपत्ति जनाएको छ ।

प्रगतिशीलका अनुसार पत्रकारद्वयले सोमबार समाचार संकलनका क्रममा फोटो/भिडियो खिच्दा अख्तियारका कर्मचारीले क्यामरा खोसेका थिए ।

‘समाचार संकलनकै क्रममा संवैधानिक निकायबाट यस प्रकारको दुर्व्यवहार हुनु दुखद मात्र होइन निन्दनीय छ’ प्रगतिशील पत्रकार संघ, नेपालका जिल्ला अध्यक्ष श्यामलाल पोखरेल र सचिव डी. आर. बन्जाडेले पैशित गरेको विज्ञप्तिमा भनिएको छ, ‘यसप्रकारका गतिविधिले सिंगो स्वतन्त्र प्रेस जगतमै आघात पुगेको छ ।’

प्रगतिशीलले सो घटनाप्रति आपत्ति जनाउँदै संलग्नमाथि तत्काल कारबाहीको माग गरेको छ ।