काठमाडौँ, ३० जेठ : कालीमाटी फलफूल तथा तरकारी बजार विकास समितिले आजका लागि विभिन्न कृषिउपजको अधिकतम थोक मूल्य निर्धारण गरेको छ।
समितिका अनुसार ठूलो नेपाली गोलभेँडा प्रतिकिलो रु ६०, भारतीय गोलभेँडा रु ७०, सानो स्थानीय गोलभेँडा रु २० तथा टनेल गोलभेँडा रु ३५ निर्धारण गरिएको छ। रातो आलु (लाम्चो) प्रतिकिलो रु ३८, रातो आलु (गोलो र मुढे) रु ३५, सेतो आलु रु ३० तथा भारतीय सुकेको प्याज रु ४३ कायम गरिएको छ।
त्यसैगरी, गाजर, बन्दा र स्थानीय काउली प्रतिकिलो रु ६० देखि रु १०० सम्म मूल्य तोकिएको छ। विभिन्न प्रकारका सिमी, करेला, लौका, परवर, चिचिण्डो, घिरौँला, फर्सी, भिन्डी, सखरखण्ड, पिँडालु र इस्कुसको मूल्य प्रतिकिलो रु ३० देखि रु १३० सम्म निर्धारण गरिएको छ।
हरियो सागसब्जीअन्तर्गत रायोको साग प्रतिकिलो रु ४०, पालुङ्गो र चम्सुरको साग रु ९०, तोरीको साग रु ६० तथा हरियो प्याज रु ९० कायम गरिएको छ। च्याउको मूल्य भने प्रतिकिलो रु २५० देखि रु १,००० सम्म रहेको छ।
फलफूलतर्फ फुजी स्याउ प्रतिकिलो रु ३००, नेपाली केरा प्रतिदर्जन रु २००, मालभोग केरा रु २२०, कागती प्रतिकिलो रु १६०, अनार रु ४२०, आँप रु ८० देखि रु १००, तरबुजा रु ५०, जुनार रु २२०, भुइँकटहर रु २०० तथा लिची रु २५० देखि रु ३०० निर्धारण गरिएको छ।
मसला तथा अन्य सामग्रीतर्फ अदुवा प्रतिकिलो रु १३०, सुकेको खुर्सानी रु ५००, अकबरे खुर्सानी रु ३००, हरियो धनियाँ रु ११०, हरियो लसुन रु २०० तथा सुकेको लसुन रु १८० देखि रु २२० कायम गरिएको छ।
त्यस्तै, ताजा रहु माछा प्रतिकिलो रु ३४०, बचुवा रु ३००, छडी रु २५० तथा सुकेको माछा प्रतिकिलो रु १,००० निर्धारण गरिएको समितिले जनाएको छ।
