खिमराज चालिसे, चन्डिगढ ।
भारत राजस्थानको बिकानेरमा अखिल भारत नेपाली विद्यार्थी सङ्घको नगर भेला सम्पन्न भएको छ ।
मूल प्रवाह अखिल भारत नेपाली एकता समाजका केन्द्रीय सदस्य तारा सोमरेको उद्घाटनसँगै जुन ७, २०२६ का दिन सो कार्यक्रम सम्पन्न भएको हो ।
सो अवसरमा मन्तव्य राख्दै सुदूर पश्चिमोत्तर क्षेत्रीय समितिका अध्यक्षसमेत रहनुभएका सोमरेले भारतस्थित नेपाली विद्यार्थीका समस्या र उनीहरूको दृष्टिकोणमा प्रगतिशील रूपान्तरण गर्नुपर्ने आवश्यकतामा जोड दिनुभयो ।
उहाँले विद्यार्थी आन्दोलनलाई वर्गीय आन्दोलनको रूपमा अगाडि नबढाएसम्म विद्यार्थीका हकहित र अधिकारको रक्षा हुन नसक्ने दाबीसमेत गर्नुभयो ।
भेलाले मनोज सुनार अध्यक्ष रहनुभएको २३ सदस्यीय नगर समिति गठन गरेको छ ।
समितिको सचिव करुणा भुल, सहसचिवमा पूर्णबहादुर मगर र कोषाध्यक्ष विमला बराल रहनुभएको छ ।
त्यसैगरी सदस्यमा देव थापा, महेश सुनार, प्रविन सुनार, साक्षी बराल, ऋतु बराल, सत्यम रानामगर, प्रतिमा पाण्डे, रोजिम मगर, नैना थापा, प्रमिला सुनार, आरती सुनार, विनोद सुनार, आरती भुल, रेनुका भुल, रेखा भुल, लक्ष्मी भुल, करिश्मा सलामीमगर, मौसम सुनाम मगर र एक रिक्त स्थान राखिएको छ ।
भेलालाई क्षेत्रीय सदस्य रामप्रसाद भट्टराई, महिला क्षेत्रीय सदस्य कमला पाण्डे र सबिता खनाल, महिला नगर सदस्यहरू सुना थापा र मनिसा भुल, सांस्कृतिक विभागकी उषा विकलगायतले शुभकामना दिनुभएको थियो ।
कार्यक्रम विशाल अधिकारीको अध्यक्षता तथा रामकुमार रसाइलीको सञ्चालनमा अघि बढेको उक्त कार्यक्रममा सहभागीलाई राजु विकले स्वागत गर्नुभएको थियो ।
