खिमराज चालिसे, भारत । हरियाणा राज्यको रेवाडीमा बसोबास गर्दै आएका दिलबहादुर (दिलबाग)को २०८३ जेठ १३ गते (२९ मे २०२६) लिभर रोगका कारण ४५ वर्षको उमेरमा निधन भएको छ । उनको निधनसँगै श्रीमती तथा मूल प्रवाह महिला नगर समिति सदस्य विष्णुमायाले पति शोक व्यहोरेकी छन्।
गुल्मी जिल्लाको खर्ज्याङ गाउँस्थित आपचौर निवासी दिलबहादुर विगत करिब १७ वर्षदेखि रेवाडीका विभिन्न होटलहरूमा काम गर्दै परिवारसहित बसोबास गर्दै आएका थिए । उनी एक वर्षभन्दा बढी समयदेखि लिभर रोगबाट पीडित थिए ।
उनको निधनपछि मूल प्रवाहका नेता–कार्यकर्ता, परिवारजन तथा आफन्तहरूको सहभागितामा रेवाडीमा अन्त्येष्टि सम्पन्न गरिएको थियो ।
दिलबहादुरको निधनप्रति मूल प्रवाह तथा अखिल भारत नेपाली एकता समाज रेवाडी नगर समितिले भावपूर्ण श्रद्धाञ्जली अर्पण गर्दै शोकसन्तप्त परिवारप्रति गहिरो समवेदना व्यक्त गरेको छ ।
