धनबहादुर मगर/कमल राना
काठमाडौं । परिक्षा नियन्त्रण कार्यालय सानो ठिमीले लिएको २०८२को एसईईमा स्याङ्जा जिल्लाको स्थानीय तहको शिक्षा शाखाले प्राप्त नतिजाको विवरण सार्वजनिक गरेको छ ।
सार्वजनिक गरेको नतिजामा फेदीखोला गाउँपालिकाले सबैभन्दा बढी अङ्क ल्याएर स्याङ्जा जिल्लाका पालिकाहरू मध्येकै नमूना एसइईमा सर्वोत्कृष्ट प्रस्तुत गरेको छ । जसको परिक्षा नतिजा ९३.८८ प्रतिशत अङ्क रहेको छ ।
पालिकास्तरीय शिक्षाको तालिका नतिजा अनुसार वालिङ नगरपालिका ८२.२६ प्रतिशत, आँधीखोला गाउँपालिका ८१.८२ प्रतिशत अङ्क प्राप्त गरेको छ ।
स्थानीय तहको शिक्षा शाखाका अनुसार ‘‘शैक्षिक सत्र २०८२’’को स्याङ्जा जिल्लाको स्थानीय तहहरूको एसईई परिक्षा, एकीकृत नतिजा विवरण अनुसार फेदीखोला गाउँपालिका सबैभन्दा बढी अंक प्रतिशत ल्याउन सफल भएको छ ।
फेदीखोला गाउँपालिकबाट १४७ जना सहभागी विद्यार्थीहरूबाट ९३.८८ एसइईमा सर्वोत्कृष्ट नतिजा ल्याउन सफल भएको हो ।
त्यसरीनै वालिङ नगरपालिकाबाट ७४१ जना सहभागी विद्यार्थीहरूबाट ८३.२६ प्रतिशत अङ्क नतिजा ल्याएर दोस्रो बन्न सफल भएको छ ।
आँधीखोला गाउँपालिकाबाट १५२ जना सहभागी विद्यार्थीहरूबाट ८१.८२ प्रतिशत अङ्क नतिजा ल्याएर तेस्रो बन्न सफल भएको छ ।
क्रमशः अर्जुनचौपारी गाउँपालिका १२० जना सहभागी विद्यार्थीहरूबाट ८० प्रतिशत, कालीगण्डकी गाउँपालिका २२४ जना सहभागी विद्यार्थीहरूबाट ७६.७९ प्रतिशत, पुतलीबजार नगरपालिका ६०७ जना विद्यार्थीहरूबाट ७४.९५ प्रतिशत, हरिनास गाउँपालिका १४५ जना सहभागी विद्यार्थीहरूबाट ६२.३ प्रतिशत, गल्याङ नगरपालिका ३६८ जना सहभागी विद्यार्थीहरूबाट ६०.६० प्रतिशत, भीरकोट गाउँपालिका ३२७ जना सहभागी विद्यार्थीहरुबाट ५४ प्रतिशत, चापाकोट गाउँपालिका ३०४ जना सहभागी विद्यार्थीहरूबाट ५६.९१ प्रतिशत, र विरुवा गाउँपालिका १४१ जना सहभागी विद्यार्थीहरुबाट ४१.१३ अंक प्रतिशत ल्याउन सफल भएको छ ।
सार्वजनिक गरेको नतिजा अनुसार स्याङ्जा जिल्लामा चौथो पटक एसईई परीक्षाको नतिजामा फेदीखोला गाउँपालिका प्रथम स्थान हासिल गर्न सफल भएकोमा सम्पूर्ण विद्यार्थीहरूलाई हार्दिक बधाई !
फेदीखोला गाउँपालिकाका अध्यक्ष घनश्याम सुवेदीले शिक्षा क्षेत्रमा फेदीखोलाको इतिहासलाई उच्च राख्न महत्वपूर्ण योगदान पुर्याउनु हुने शिक्षक, अभिभावक तथा कमचारी तथा सम्पूर्ण सरोकारवालाहरूलाई हार्दिक धन्यवाद व्यक्त गर्दै सुवेदीले एसईईमा प्राप्त सफलताले पालिकालाई उत्साहित बनाएको बताए ।
प्राप्त नजिताले कठिन परिश्रम, अनुशासन र समर्पणको उज्यालो उदाहरण पनि हो ।
पालिकाले उत्कृष्ट अंक प्रतिशत हासिल गर्ने विद्यार्थीलाई सम्मान र पुरस्कृत गर्ने पनि जनाएको छ ।
