काठमाडौँ । सुकुम्बासी समस्यालाई लिएर किसान सङ्गठनहरूले विरोध कार्यक्रमसँगै अन्तरक्रिया गर्ने भएका छन् ।
२०८३ वैशाख १२ गते शनिबार सरकारले काठमाडौँका सुकुम्बासी बस्ती भत्काउँदै गरिरहेका बेला किसान सङ्गठनहरूले सो निर्णय गरेका हुन् ।
अखिल नेपाल किसान महासङ्घ (अप्फा) का अध्यक्ष भैरवराज रेग्मी र केन्द्रीय समितिका अधिवक्ता रामप्रसाद भुसाल, क्रान्तिकारी किसान महासङ्घका अध्यक्ष सीताराम तामाड, अखिल नेपाल प्रगतिशील किसान सङ्घका लोकनारायण सुवेदी र भूवन फुँयालसमेतको अनौपचारिक बैठकले सो निर्णय गरेको युगदर्शनलाई जानकारी दिइयो ।
अप्फाका अध्यक्ष रेग्मीका अनुसार वैशाख महिनाभित्र उक्त कार्यक्रम आयोजना गर्ने र सो कार्यक्रमका लागि अन्य किसान सङ्गठनसित पनि सल्लाह गर्ने समझदारी भएको छ ।
‘यही वैशाख महिनाकै अन्तिमतिर विरोधका कार्यक्रमसँगै अन्तरक्रिया कार्यक्रम गर्ने ठेगान भएको छ’ उहाँले भन्नुभयो– ‘सो कार्यक्रममा अन्य किसान सङ्गठनलाई जोड्ने समझदारी भएको छ ।’
उक्त बसाइमा अखिल नेपाल टे«ड युनियन महासङ्घ (अन्टुक) का महासचिव धनपति सापकोटाको पनि उपस्थिति रहेको थियो ।
