प्युठान । नेपाल कम्युनिस्ट पार्टी (मसाल) प्युठानको आयोजनामा प्युठान नपा पुर्णेखालामा नेकपाको ७८औँ पार्टी स्थापना दिवस तथा १५८औँ लेनिन जयन्ती कार्यक्रम सम्पन्न भएको छ ।
कार्यक्रम जिल्ला प्रबक्ता राम पहाडीको अध्यक्षता, टीका जिसिको सञ्चालन, ज्ञामुराम न्यौपानेको स्वागत मन्तव्यबाट सुरु भएको थियो ।
कार्यक्रममा राजमो केस कृष्ण बहादुर खड्काको प्रमुख आतिथ्यता रहेको थियो ।
त्यस्तै वामपन्थी नेता सुरेश थापा, लुम्बिनी पार्टी प्रवक्ता तिलक जिसी, जनजाति सम्मेलनका महासचिव अमरध्वज राना, किसान नेता बिरबहादुर जिसी, महिला नेता पद्मा पण्डित, युवक मोर्चाका वसन्त केसी, विद्यार्थी पुर्व नेता प्रकाश जिसी, समता समाजका जिल्ला अध्यक्ष शमशेर परियार, बुद्धिजीवी मोर्चाका घनश्याम न्यौपानेले मन्तव्य राख्नुभएको थियो ।
बक्ताहरूले नेपालको कम्युनिस्ट आन्दोलन र लेनिनको जीवन तथा योगदानको चर्चा गर्नुभएको थियो ।
