काठमाडौँ । अमेरिकी सहायक विदेशमन्त्री समीर पल कपुर नेपाल भ्रमण पूरा गरेर स्वदेश फर्केका छन् । सोमबार बिहान इस्तानबुल हुँदै काठमाडौँ आएका उनी आज बिहान ९ बजे स्वदेश फर्किएका हुन् ।
कपुर सोही रुट हुँदै टर्किस एअरलाइन्सको उडान नम्बर टिके ४९०१ बाट अमेरिका गएका हुन् । उनी मध्य तथा दक्षिण एसिया मामिला सम्बन्धि जिम्मेवारी रहेको बताइन्छ ।
कपुरले सोमबार मध्यान्ह रास्वपा सभापति रवि लामिछानेसँग उनको बूढानीलकण्ठ नजिकै रहेको निवास पुगेर भेट गरेका थिए । हिजो बिहान पहिले परराष्ट्रमन्त्री शिशिर खनाल र पछि अर्थमन्त्री स्वर्णिम वाग्लेसँग मन्त्रालय पुगेर भेटे ।
हिजो बिहान उनी सिंहदरबारबाट सोझै बौद्ध स्तुपा पुगेका थिए । स्तुपा भ्रमणपछि अमेरिकी टोलीले नजिकैको रोड हाउस क्याफेमा लञ्च खाएको थियो । ती सबै भेटघाटमा अमेरिकी कार्यवाहक राजदूत स्कट उर्बम पनि सहभागी भएका थिए ।
रास्वपा सभापति लामिछाने, परराष्ट्रमन्त्री खनाल र अर्थमन्त्री वाग्लेसँग भएका भेटबारे उनै कपुरले सामाजिक सञ्जालबाट औपचारिक जानकारी मात्रै दिएका छन् ।
स्रोतले भेटमा भएको कुराकानी र प्रयोग गरिएका शब्दले कूटनीतिक भाषामा विशेष महत्व र अर्थ राख्ने बताएको छ । स्रोतका अनुसार, ॅडिपेन इन्गेजमेन्ट इन एरियाज अफ म्युचुअल इन्ट्रेस्ट ।’
