दाङ । राष्ट्रिय जनमोर्चाका लुम्बिनी प्रदेश सल्लाहकार सुरेश थापाले गत फागुन २१ को निर्वाचन स्वतन्त्र र निश्पक्ष नभएको बताउनु भएको छ ।
राष्ट्रिय जनमोर्चा निर्बाचन क्षेत्र नम्बर ३ ले आयोजना गरेको गत निर्वाचनको समिक्षा तथा प्रशिक्षण कार्यक्रममा धारणा राख्दै ‘जेनजी आन्दोलनलाई हाइज्याक गर्न अमेरीकाको सहयोग गरेको थियो ।’ उहाँले भन्नुभयो, ‘त्यसपछिको सरकारमा रहेका ब्यक्तिहरूको पनि अमेरिकासँगको सम्बन्ध र निर्वाचनको परिणामले बताएको छ ।’ थापाले निर्वाचन स्वतन्त्र र निस्पक्ष नभएको प्रमाणित भएको बताउनु भयो ।
‘२०८४ मा हुनुपर्ने निर्बाचन साम्राज्यवादीहरूले कब्जा गरेर २०८२ मा भयो ।’ थापाले अगाडि भन्नुभयो, ‘गत जेनजी आन्दोलनमा सिंहदरबार र संसद भबन जलाउने र रास्वपाबाट उम्मेदवार बन्ने मान्छे उहि हुनु भनेको त्यो पार्टी साम्राज्यवादीहरूद्वारा परिचालित भएको प्रमाण हो ।’
पुराना सत्ताधारी दलहरूको कुशासन र भ्रष्टाचारबाट निराश भएको बेला साम्राज्यवादीहरू शक्तिहरू नेपाली युबाहरू प्रयोग गरेको बताउनु भयो । साम्राज्यवादी शक्तिहरूले चुनाबलाई समेत प्रभावित पारेको बताउनु भयो ।
उक्त कार्यक्रममा राष्ट्रिय जनमोर्चाका केन्द्रय सदस्य तथा दाङ जिल्ला अध्यक्ष गणेश आचार्य, अखिल नेपाल युबक संघका पुर्ब अध्यक्ष कासिनाथ पोख्रेल, राष्ट्रिय जनमोर्चा केन्द्रीय सदस्य कमला जिसी, जिल्ला सदस्य इस्वरी भण्डारी, जातीय समता समाजका जिल्ला सल्लाहकार देबबहादुर विक, अखिल नेपाल किसान महासंघ जिल्ला कोषाध्यक्ष खिमानन्द खनाल, अन्तर्राष्ट्रिय नेपाली एकता समाजका पुर्ब सदस्य राजकुमार धिताल लगायतले मन्तव्य राख्नु भएको थियोे ।
निर्बाचन परिचालन समितिका संयोजक ऋषिराम पौडेलको अध्यक्षतामा सम्पन्न उक्त कार्यक्रममा स्वागत मन्तव्य जिल्ला सल्लाहकार स्यामलाल पोख्रेलले राख्नुभएको थियो । कार्यक्रमको सञ्चालन जनक भण्डारीले गर्नु भएको थियोे ।
