परासी । नवलपरासीमा अखिल नेपाल जनजाति सम्मेलनको चालिसौँ स्थापना दिवस मनाइएको छ ।
जनजाति सम्मेलन नवलपरासीको आयोजनामा २०८३ वैशाख ३ गते सुनवलमा सो कार्यक्रम सम्पन्न भएको हो ।
कार्यक्रमको प्रमुख अतिथि सम्मेलनका पूर्व सचिव रेम राना हुनुहुन्थ्यो ।
सो अवसरमा मन्तव्य राख्दै उहाँले जनजाति आन्दोलनलाई वर्गीय आन्दोलनसँग जोडेर लैजानुपर्ने आवश्यकतामा जोड दिनुभयो ।
वक्ताहरूले मन्तव्यको क्रममा समसामयिक राजनीतिक परिस्थितिको बारेमा पनि धारणा राख्नुभएको थियो ।
कार्यक्रममा जनजाति सम्मेलन कपिलवस्तुकी सल्लाहकार इन्द्रकुमारी रोका, राष्ट्रिय जनमोर्चा नवलपरासीका अध्यक्ष किसनबहादुर अधिकारी र राजमो सुनवल नगर सदस्य जङ्गबहादुर थापाले मन्तव्य राख्नुभएको थियो ।
शेरबहादुर शूर्यवंशीको अध्यक्षता तथा मनरूपा रानाको सञ्चालनमा अगाडि बढेको सो कार्यक्रममा कृष्ण थापाले स्वागत मन्तव्य राख्नुभएको थियो ।
