बुटवल । अखिल नेपाल जनजाति सम्मेलन र जातीय समता समाजको चालिसौँ स्थापना दिवस रुपन्देहीमा संयुक्त रूपमा सम्पन्न पारिएको छ ।

आज विहिबार बुटवलमा सम्पन्न सो कार्यक्रममा राष्ट्रिय जनमोर्चाका अध्यक्ष चित्रबहादुर केसीको प्रमुख आतिथ्य रहेको थियो ।

त्यस्तै अखिल नेपाल जातीय समता समाज तथा राष्ट्रिय सभा सदस्य तुल प्रसाद विश्वकर्मा, जनजाति सम्मेलन केन्द्रीय समितिकी उपाध्यक्ष उषा पुन, अखिल नेपाल बुद्धिजीवी संघ केन्द्रीय सचिवालयका सदस्य दुर्गानाथ खरेल, कम्युनिष्ट संग्राहलयका अध्यक्ष चेतनाथ आचार्य लगायतले अतिथि आसन ग्रहण गर्नुका साथै मन्तव्य दिनुभएको थियो ।

कार्यक्रमको अध्यक्षता नारायण बहादुर पुनमगर र सञ्चालन कृष्ण बहादुर सुनारले गर्नुभएको थियो ।