काठमाडौँ । श्रम, रोजगार तथा सामाजिक सुरक्षामन्त्री दीपककुमार साह १३ दिनमै फिर्ता बोलाइएका छन् ।
सत्तारूढ राष्ट्रिय स्वतन्त्र पार्टी (रास्वपा) ले फिर्ता बोलाउने (राइट टु रिकल) को व्यवस्था प्रयोगमा ल्याएसँगै २०८२ चैत २६ गते उननलाई फिर्ता बोलाइएको हो ।
मन्त्री साहले बहालमा रहँदा पदीय मर्यादाको दुरुपयोग गरी श्रीमतीलाई लामो समयदेखि निष्क्रिय राखिएको स्वास्थ्य बिमा बोर्डको सदस्यमा नियमित गराउन चलखेल गरेका थिए । अनुशासन आयोगको अध्ययनपछि उनलाई कारबाही गर्न पार्टीले चैत २५ गते सिफारिस गरेको थियो ।
पार्टी सभापति रवि लामिछानेले प्रधानमन्त्री बालेन शाहलाई लेखेको पत्रमा भनिएको छ– “पार्टीविधानको धारा २५ (४) (क) ले पार्टी सभापतिलाई पार्टीको आदर्श, सिद्धान्त र मर्यादामाथि आँच आउन नदिन जिम्मेवारी सुम्पेको र पदको दुरुपयोग भएको अवस्थामा विधानको धारा ६९ मा पार्टीले जिम्मेवारीबाट फिर्ता बोलाउन (राइट टू रिकल) सक्ने व्यवस्था भएकाले निज माननीय मन्त्रीलाई जिम्मेवारीबाट अलग गर्न सिफारिस गर्दछु ।’
हटाइएका साह महोत्तरी–२ का प्रत्यक्ष निर्वाचित सांसद हुन् ।
