काठमाडौँ । प्रधानमन्त्री बालेनकै सिफारिसमा तेस्रोमा रहेका गृहमन्त्री सुधन गुरुङ ५औँ नम्बरमा पुगेका छन् । प्रधानमन्त्रीको सिफारिसमा राष्ट्रपति रामचन्द्र पौडेलद्वारा मन्त्रीहरूको मर्यादाक्रम हेरफेर गरिएको हो ।
नेपालको संविधानको धारा ७६ को उपधारा (९) अनुसार प्रधानमन्त्रीले मर्यादाक्रम हेरफेर गरेको बताइएको छ
मन्त्रिपरिषद्को आज दिउँसो १ बजे बस्ने बैठकअघि सार्वजनिक भएको नयाँ वरीयतामा गृहमन्त्री सुधन गुरुङलाई पाँचौँ स्थानमा राखिएको छ । उनी चैत १३ गते गठित मन्त्रिपरिषद्मा तेस्रो वरीयतामा थिए ।
यसअघि चौथो नम्बरमा रहेका परराष्ट्रमन्त्री शिशिर खनालको वरीयता तेस्रो भएको छ भने पहिले पछाडि रहेका ऊर्जामन्त्री विराजभक्त श्रेष्ठलाई चौथो नम्बरमा ल्याइएको छ । विराजपछि मात्रै गृहमन्त्री गुरुङको वरीयता कायम भएको छ ।
त्यस्तै, यसअघि क्याविनेटको पुछारमा रहेकी महिलामन्त्री सीता वादीलाई आठौं स्थामा उकालिएको छ । श्रीमतीलाई स्वास्थ्य बीमा बोर्डमा नियुक्ति दिएर विवादमा तानिएका श्रममन्त्री दिपक कुमार साह भने घटुवामा परेर पुछारमा पुगेका छन् ।
