काठमाडौँ । प्रगतिवादी साहित्यकार मोहनविक्रम सिंहको बहुचर्चित उपन्यास ‘कामरेड जलजला’ बृहत् विमर्श कार्यक्रम हुने भएको छ ।
२०८२ चैत २८ गते शनिबार दिउँसो १२ बजेबाट हार्दिक होटेलमा उक्त कार्यक्रम सम्पन्न हुन लागेको हो ।
कार्यक्रममा उपन्यासको बारेमा विषयवस्तुको प्रस्तुति उपन्यासकार सिंहले गर्नु प्रकाशक जनशिक्षा गृहले जानकारी दिएको छ ।
जनशिक्षा गृहको आयोजनामा सञ्चालन हुने सो कार्यक्रमको अध्यक्षता नेपाल उपन्यास समाजका अध्यक्ष शङ्कर भारतीले गर्नुहुने बताइएको छ ।
उपन्यासको समाजशास्त्रीय तथा संस्कृतिको बारेमा डा. हरिप्रसाद सिलवालले, नारी अनुभूतिका बारेमा प्राज्ञ कौशिला रिसालले, प्रगतिवादी दृष्टिबारे साहित्यकार डा. गोविन्दप्रसाद आचार्यले, ऐतिहासिक तथा शास्त्रीय पक्षका बारेमा इतिहासकार शम्भुराम जोशीले तथा वैचारिक पक्षका बारेमा लेखक तथा समालोचक मनोज भट्टले टिप्पणी गर्नुहुनेछ ।
थुप्रै लेखक तथा साहित्यकारको सहभागिता हुने सो कार्यक्रम अन्तरक्रियामूलक प्रकारले अगाडि बढ्ने आयोजकले जानकारी दिएको छ ।
कार्यक्रमको सहजीकरण प्रगतिशील लेखक सङ्घका उपाध्यक्ष समीर सिंहले गर्नुहुनेछ ।
