काठमाडौँ । राष्ट्रिय जनमोर्चाले ‘निर्वाचनको मूल्याङ्कन तथा नेपालको परराष्ट्र नीतिका बिचको अन्तरसम्बन्ध’ विषयमा अन्तर्क्रिया कार्यक्रम गर्न गइरहेको छ ।

आगामी यही चैत २१ गते काठमाडौँको बागबजारस्थित हार्दिक होटेलमा सो कार्यक्रम गर्ने निश्चित गरिएको पार्टीका महासचिव मनोज भट्टले युगदर्शनलाई जानकारी दिनुभयो ।

महासचिव भट्टका अनुसार उक्त अन्तर्क्रिया कार्यक्रममा नेपाल कम्युनिस्ट पार्टी (मसाल) का महामन्त्री मोहनविक्रम सिंहको प्रमुख आतिथ्यता रहने छ । सिंहले ‘निर्वाचनको मूल्याङ्क तथा नेपालको परराष्ट्र नीतिको अन्तरसम्बन्ध’ विषयमा कार्यपत्र प्रस्तुत गर्नु हुनेछ ।

कार्यक्रममा हिरण्यलाल श्रेष्ठ, डा. महेश मास्के, डा. राजन भट्टराई, वेदप्रकाश त्रिपाटी, नीलाम्बर आचार्य, अजय शर्मा, नवराज सुवेदी लगायतका बुद्धिजीवीहरूले कार्यपत्र माथि आ–आफ्‌नो धारणा राख्नुहुनेछ ।

कार्यक्रम दिउसो ठिक १२ बजेदेख शुरु हुने महासचिव भट्टले बताउनु भयो ।