घोराही । दाङको घोराहीमा एक सय सोह्रौँ अन्तर्राष्ट्रिय श्रमिक नारी दिवस सम्पन्न भएको छ ।
अखिल नेपाल महिला सङ्घ घोराही नगर समितिको आयोजनामा २०८२ फागुन २४ गते (मार्च ८) का दिन सो कार्यक्रम सम्पन्न भएको हो ।
कार्यक्रममा प्रमुख अतिथि महिला सङ्घकी केन्द्रीय परिषद् सदस्य कृष्ण राना हुनुहुन्थ्यो ।
सो अवसरमा मन्तव्य राख्दै उहाँले महिला आन्दोलन, महिलाले गरेका सङ्घर्ष वा समाज परिवर्तनमा नारीको भूमिका र अन्तर्राष्ट्रिय श्रमिक महिला दिवसको महत्वको बारेमा प्रष्ट पार्नुभएको थियो ।
अर्का अतिथि राष्ट्रिय जनमोर्चा केन्द्रीय सदस्य तथा दाङका अध्यक्ष गणेश आचार्यले समसामयिक विषयमा प्रशिक्षण दिनुभएको थियो ।
त्यसैगरी कार्यक्रमलाई अखिल नेपाल जनजाति सम्मेलनका केन्द्रीय सचिव रामबहादुर जिएमले शुभकामना मन्तव्य राख्नुभएको ।
एवम् प्रकारले अखिल नेपाल प्रगतिशील लेखक सङ्घ लुम्बिनी प्रदेश समितिका उपाध्यक्ष सुरेशकुमार पाण्डे, राजमो दाङका जिल्ला सदस्य मेघराज भट्टराई, राजमो घोराहीका नगर अध्यक्ष मनिराम खनाल, अखिल नेपाल ट्रेड युनियन महासङ्घ (अन्टुक) दाङका जिल्ला सचिव तुलसी पन्थी, राजमो घोराही नगर समितिका कोषाध्यक्ष झबिलाल कालाथोकी, महिला सङ्घकी नगर सदस्य शोभा पोखरेललगायतले मन्तव्य राख्नुभएको थियो ।
महिला सङ्घकी नगर अध्यक्ष हेमा पोखरेलको अध्यक्षतामा अगाडि बढेको उक्त कार्यक्रममा महिला सङ्घकै जिल्ला सदस्य बसन्त भट्टराईको स्वागत तथा नगर सचिव कल्पना कार्कीको सञ्चालन रहेको थियो ।
