काठमाडौं । राष्ट्रिय विपद् जोखिम न्यूनीकरण तथा व्यवस्थापन प्राधिकरणले पर्सीसम्म यस्तै पानी पर्ने रपहिरोको जोखिम झन् बढी हुने जनाएको छ ।

पहिरोको पूर्व संकेत पाइयो भने यसबाट बच्न सकिन्छ भन्दै प्राधिकरणले मंगलबार बिहान ट्विटमार्फत सन्देशमूलक भिडियो सार्वजनिक गरेको छ।

केही दिनदेखि देशभर भइरहेको लगाताको वर्षाका कारण बाढी, पहिरो र डुबानले जनधनको क्षति भइरहेको छ ।विपद्लाई रोक्न नसकिए पनि यसबारे पहिल्यै सतर्क र सुरक्षित भइयो भने धेरै हदसम्म क्षति कम गर्न सकिन्छ ।

पर्सीसम्म यस्तै पानी पर्छ । पहिरोको जोखिम झन् बढी हुन्छ । पूर्व संकेत पाइयो भने पहिरोबाट बच्न सकिन्छ। यो सन्देश हेरौँ र धेरै भन्दा धेरैजनासम्म पुर्याउँ। pic.twitter.com/qXHU6e3bMv

— NDRRMA (@NDRRMA_Nepal) July 21, 2020

विपदबाट सतर्क रहन राष्ट्रिय विपद् जोखिम न्यूनीकरण तथा व्यवस्थापन प्राधिकरणले चेतावनीसहितको सन्देशमूलक भिडियो प्रशारण गरेको हो ।