काठमाडौँ । लहै लहैमा वोलको चुनावी गीत सार्वजनिक भएको छ । आश्रम म्युजिकको युटुव च्यानलमा सार्वजनिक भएको उक्त गीतमा ‘लहै लहैमा अमुल्य भोट दिनु हुन्न’ भन्दै एक भोटको महत्वलाई प्रष्ट पार्न खोजिएको छ ।
शब्द/सङगीत/एरेन्ज हेमराज आश्रम, स्वर हेमराज आश्रम र कुस्मिता दर्लामी रहेको उक्त गीतको प्रकाशनमा अमृता राना थापा (हङकङ), नाम बहादुर बाठा मगर (पोखरा), जीत बहादुर थापा (चितवन) र रक्तिम साँस्कृतिक अभियान नवलपुरले सहयोग गरेका छन् ।
आउँदै गरेको प्रतिनिधी सभाको चुनाबलाई ध्यान दिएर नेपाली जनतालाई एक भोट पनि देश डुबाउन प्रर्याप्त भएको भन्ने जानकारी दिदै, अमुल्य मतदान उपयुक्त पात्रलाई दिन सचेत गराइएको छ । नयाँ र परानाको भाष्य दिदै जनताहरूलाई भ्रम फिजाउन खोएको विषयलाई सर्जकहरू असन्तुष्ट देखिएको गीतले बुझाउँछ ।
गीत
लहै लहैमा होइन है, विचार पुर्याउनु पर्छ ।
तपाई हाम्रो एक भोटले, देशै डुबाउन सक्छ ॥
जनतालाई झुक्याउन कुरा नाना थरी
सचेत बनौँ नेपाली, जागौँ देशै भरि
स्वाधिनता र राष्ट्रियता, जोगाऔँ कसै गरी ।
सबै नयाँ राम्रा हुन्नन, पुराना नराम्रा
नया जोगी र खरानी, कस्का हुन् या हाम्रा
नेपाललाई माया गर्ने, नेता चुनौ राम्रा ।
