काठमाडौं । राष्ट्रिय जोखिम विपद् न्यूनीकरण तथा व्यवस्थापन प्राधिकरणले यो हप्ता देशभर बाढी पहिरोको ठुलो जोखिम रहेको चेतावनी दिएको छ ।

आइतबारदेखि पाँच दिन देशभर निकै ठूलो वर्षा हुने र त्यसले व्यापक रूपमा बाढी र पहिरो निम्त्याउने अनुमान गर्दै जोखिमयुक्त क्षेत्रका बासिन्दालाई सचेत रहन आग्रह गरिएको छ ।

प्राधिकरणका कार्यकारी प्रमुख अनिल पोखरेलले बाढी तथा पहिरोको जोखिम क्षेत्रमा रहेका बासिन्दालाई आइतबारदेखि ५ दिन पाहुना लागेरै भए पनि सुरक्षित स्थानमा गई ज्यान जोगाउन आग्रह गर्नुभएको छ ।

पोखरेलले भन्नुभएको छ, ‘पहाडी भूभागका स साना नदीमासमेत बहाव बढ्ने तथा धेरै घर परिवार बिस्थापित हुन सक्ने तथा जनधनको क्षति हुनसक्ने हामीले अनुमान गरेका छौँ ।’

यही साउन ४ देखि ८ गतेसम्म ठूलो पानी परेर फेरि बाढी, पहिरो जानसक्ने संभावना छ, सचेत बनौं, सतर्क रहौं, सुरक्षित होऊ… pic.twitter.com/Dk2birlvNW

— NDRRMA (@NDRRMA_Nepal) July 17, 2020

साउन ४ देखि ८ गतेसम्म ठूलो पानी परी बाढी पहिरो जानसक्ने भएकाले सबैलाई सतर्क रहन राष्ट्रिय जोखिम विपद् न्यूनीकरण तथा व्यवस्थापन प्राधिकरण, जल तथा मौसम विज्ञान विभाग, खानी तथा भूगर्भ विभाग, उर्जा तथा जलस्रोत विभागले संयुक्त रुपमा आह्वान गरेका छन् ।