महेश रिजाल, भालुबाङ (दाङ) ।
दाङको राप्ती गाउपालिका–१ पुल्चोकस्थित समय बचत तथा ऋण सहकारी संस्था लिद्वारा भालुबाङ अस्पताललाई ९९ हजार सात सय रुपैयाँ बढीको स्वास्थ सामग्री सहयोग प्रदान गरिएको छ ।
उक्त स्वास्थ्य सामग्रीमा रक्तचाप नाप्ने सेट, पिपेट, टेस्ट ट्युब, ब्लड ग्रुपिङ किट, एचआइभी, एचसिभी, सिफिलिस, एचबिएजी परीक्षण किट, हट एयर ओभन, टर्निकेट, डिमरलगायतका महत्त्वपूर्ण उपकरण रहेको अस्पतालका मेडिकल सुप्रिन्टेन्डेन्ट डा. आकाश बेल्बासेले जानकारी दिनुभयो ।
२०८२ पुस २८ गते सोमबार आयोजित औपचारिक कार्यक्रममाझ सो अवसरमा सहकारीका अध्यक्ष प्रेम खनालले उक्त सामग्री हस्तान्तरण गर्नुभएको थियो ।
समारोहमा भालुबाङ अस्पतालमा कार्यरत डा. रणबहादुर बोगटी (एमडिजिपी) को पनि उपस्थिति रहेको थियो ।
त्यस्तै कार्यक्रममा संस्थाका उपाध्यक्ष गिरीराज पौडेल, सचिव सीता पाण्डे, सदस्यहरू केशवराज खनाल, लोकबहादुर बस्नेत, प्रेमाकुमारी जिसी, सिर्जना गिरी, भानु जिएम, हरि सुवेदी, सुन्चिमाया घर्ती, हिमाल एमसी, ऋण समितिका संयोजक बिजुला केसी, व्यवस्थापक ढुण्डिराज भट्टराईलगायतको सहभागिता रहेको थियो ।
