काठमाडौं । मेलम्ची खानेपानी आयोजनाको सुरुङ फुट्दा बेपत्ता भएका चालक राधाकृष्ण थापामगरको खोजीमा गएको गोताखोरको डुंगा पल्टिएको छ ।

इन्द्रावतीमा हराएको आशंकामा खोजी कार्यमा जुटेको सशस्त्र प्रहरीको डुंगा पल्टिएको हो । उनीहरु सबैको सकुशल उद्धार गरिएको छ ।

हराइरहेकाको खोजी गर्ने क्रममा सशस्त्रका प्रहरी निरीक्षकसहित ७ जना रहेको डुंगा पल्टिएको जिल्ला प्रहरी कार्यालय सिन्धुपाल्चोकले जनाएको छ ।

मेलम्ची खानेपानी आयोजनाकोे सुरुङ परीक्षणका क्रममा तीन दिन अघि एक्कासी गेट खुल्दा इञ्जिनियर सतिश गोहित र चालक राधाकृष्ण थापामगर सम्पर्कबिहीन भएकामा गोहितको शव हिजो भेटिएको थियो ।

थापामगरको अवस्था भने अझै थाहा हुन सकेको छैन । प्रहरीले उनको खोजी जारी राखेको छ ।