केरसिंह अदै, तौलिहवा ।
कपिलवस्तु जिल्लाको वाणगङ्गा नगरपालिका–७ खारखानीमा राष्ट्रिय जनमोर्चा कपिलवस्तुले वनभोज कार्यक्रम सम्पन्न गरेको छ ।
जिल्लाका नगरपालिका र गाउँपालिकाका कार्यकर्ता, जनवर्गीय मोर्चाका पधाधिकारीको उपस्थिति रहेको सो कार्यक्रम २०८२ पुस १८ गते शुक्रबार सम्पन्न भएको थियो ।
कार्यक्रममा उपस्थित सहभागीमाझ अखिल नेपाल किसान महासङ्घ (अप्फा) का केन्द्रीय उपाध्यक्ष शिव पौडेल र नेकपा (मसाल) का जिल्ला प्रवक्ता माधव भाटक्षेत्रीले देशको समसामयिक राजनीतिक परिस्थिति र आगामी चुनावको बारेमा प्रकाश पार्नुभएको थियो ।
सो अवसरमा अखिल नेपाल महिला सङ्घ कपिलवस्तुकी सचिव रीता पाण्डेले पनि मन्तव्य व्यक्त गर्नुभएको थियो ।
राजमो कपिलवस्तुका अध्यक्ष रामप्रसाद बेलबासेको अध्यक्षतामा सम्पन्न सो कार्यक्रममा उपस्थित सबैलाई जिल्ला उपाध्यक्ष दलबहादुर कुँवरले स्वागत गर्नुभएको थियो ।
कार्यक्रमको सञ्चालन राजमो कपिलवस्तुका सचिव केरसिंह अदैले गर्नुभएको थियो ।
सो अवसरमा रक्तिम सांस्कृतिक अभियानका कलाकारले गीत, सङ्गीत र नृत्य प्रस्तुत गरेका थिए ।
