काठमाडौं । ट्राफिक प्रहरीले यो वर्षमात्रै चोरिएका वा हराएका ३६८ वटा मोटरसाइकल फेला पारेर सम्बन्धित धनीलाई बुझाएको छ । त्यसक्रममा ३७ जना व्यक्तिलाई पक्राउ गरी आवश्यक कारबाही गरिएको महानगरीय ट्राफिक प्रहरी महाशाखाले जनाएको छ ।
महाशाखाका प्रमुख प्रहरी वरिष्ठ उपरीक्षक भिम प्रसाद ढकालले आज २५ वटा मोटरसाइकल हस्तान्तरण गरिएको जानकारी दिनुभएको छ । ट्राफिक प्रहरीको टोलीले विभिन्न मितिमा हराएका मोटरसाइकलहरू खोजतलास गरी सम्बिन्धत धनीलाई जिम्मा लगाएको हो ।
उपत्यकाका बालाजु, बसुन्धारा, मण्डिखाटार, नयाँबजार, ठमेल, सरस्वतिनगर, सामाखुसी, ठमेल, चावहिल, कलंकी, ग्रीनल्याण्ड, हात्तीगौंडा, बौद्ध, ठमेल, जरङ्खु, टोखा, वाँनियाटार, टिचिङ अस्पताल, कोटेश्वर, गौरीधारा, कोटेश्वर, कुमारीपाटी र गोकर्णेश्वरलगायतका स्थानबाट ती मोटरसाइकल फेला परेका हुन् ।
महाशाखाका प्रमुख ढकालले सवारी साधनलाई चोरीबाट बच्नका लागि सवारी साधनमा अतिरिक्त लक प्रयोग गर्न, अलाराम लगायतका उपकरण जडान गर्न, घर कम्पाउण्डमा पार्किङ्ग गरेको भनि ढुक्क नपर्न, एकै छिन हो भनि अतिरिक्त लक लगाउन अल्छी नगर्न पनि सुझाव दिनुभएको छ ।
