काठमाडौँ। न्यूनतम तलब, भत्ता र सेवा–सुविधा सुनिश्चित गर्न माग राख्दै देशभरका नर्सहरू आन्दोलित भएका छन्। देशभरका सबै २०८२ कार्तिक १४ गते शुक्रबारका दिन देशका सबै ठाउँमा विरोध प्रदर्शन गरेका छन्।
सरकारीसरह सेवा सुविधा र पारिश्रमिकको माग गर्दै आन्दोलनमा उत्रिएका नर्सहरूलाई सरकारी अस्पतालका नर्सहरूले पनि एक्यबद्धता जनाउँदै आन्दोलनमा उत्रिएका हुन्।
नसिंङ सङ्घले अघि सारेको १५ बुँदे मागलाई पुरा गर्नुपर्ने भन्दै शुक्रबार देशभरका अस्पतालका नर्सहरूले प्रदर्शन गरेका थिए ।
स्वास्थ्य तथा जनसंख्या मन्त्रालयको २०८२र०६र२४ को पत्र कार्यान्वयन गरी स्वास्थ्यकर्मीहरूको न्यूनतम पारिश्रमिक सरकार सरह नघट्ने गरी दिनुपर्ने, अतिरिक्त कार्यवापत भत्ता दिनुपर्ने, ज्यालादारीमा नचलाउने र तलब–भत्ता बैंकिङ प्रणालीमार्फत भुक्तानी गर्नुपर्ने उनीहरूको माग छ।
श्रमको सम्मान नभएसम्म नर्स आन्दोलन जारी रहने नर्सिङ संघले जनाएको छ।
प्रमुख माग
– स्वास्थ्य तथा जनसंख्या मन्त्रालयको २०८२र०६र२४ को पत्र कार्यान्वयन
– सबै स्वास्थ्यकर्मीहरूको न्यूनतम पारिश्रमिक सरकारीसरह नघट्ने गरी व्यवस्था
– अतिरिक्त कार्यवापत भत्ता
– ज्यालादारीको अन्त्य
– तलब–भत्ता बैंकिङ प्रणालीमार्फत भुक्तानी
