काठमाडौँ । प्रगतिशील लेखक सङ्घले यथास्थितिमा मिलेनियम च्यालेन्ज कर्पोरेसन (एमसिसी) पारित नगर्न माग गरेको छ । २०७७ असार १३ गते बसेको केन्द्रीय समितिको बैठकले आफ्नो सो अडान दोहो¥याएको हो ।
अध्यक्ष प्रा.डा. जीवेन्द्र देव गिरी र महासचिव समीर सिंहको हस्ताक्षरमा असार १४ गते सार्वजनिक गरिएको प्रेसवक्तव्यमा बैठकले संविधानको अनुसूचि र निसानछापमा नेपालको वास्तविक नक्सा राख्नेगरी संविधान संशोधन गरेको र नागरिकता विधेयकमा विदेशी बुहारीलाई विवाह गरेको सात वर्षपछि मात्र नागरिकता दिनेगरी ल्याइएको संशोधनलाई समर्थन गरेकोमा सम्बन्धित पार्टी र सांसदहरूलाई धन्यवाद दिएको उल्लेख छ ।
प्रेसवक्तव्यको पूर्ण पाठ यस्तो छ :
“प्रगतिशील लेखक सङ्घ, नेपालको केन्द्रीय समितिको २०७७ असार १३ गते अनलाइन प्रविधिबाट सम्पन्न बैठकले नेपालको संविधान सर्वसम्मत रूपमा संशोधन गरी अनुसूचीमा रहेको निसानछापमा नेपालको वास्तविक नक्सा समाविष्ट गर्ने महत्त्वपूर्ण निर्णय लिएकोमा संसद्का दुबै सदनका सांसदप्रति धन्यवाद ज्ञापन गर्ने निर्णय गरेको छ । साथै यस निर्णयका निम्ति अग्रसरता लिने नेपाल सरकार, सम्बद्ध दल तथा अभियन्ताहरूको पहलकदमीको पनि बैठकले सराहना गरेको छ ।
बैठकले संसदमा प्रस्तुत नागरिकतासम्बन्धी विधेयकको संशोधन प्रस्तावको समर्थन गर्नुका साथै त्यस निम्ति समुचित भूमिका खेल्ने राज्यव्यवस्था समिति र दलहरूको निर्णयप्रति ऐक्यबद्धता जनाउने निर्णय गरेको छ ।
बैठकमा संसद्मा प्रस्तुत एमसिसी सम्झौतासम्बन्धी प्रस्तावबारे पनि विस्तृत रूपमा छलफल भयो । अमेरिकाको सुरक्षा परिषद्का दस्तावेजले नै एमसिसी आइपिएसको अङ्ग भएको बताइरहेको अवस्थामा सम्झौतामा रहेका नेपाललाई घात गर्ने प्रावधानहरू राखेर यथास्थितिमा सो प्रस्ताव कुनै पनि हालतमा पारित गरिनु हुन्न भन्ने प्रलेसको दृढ अडान पुनः सार्वजनिक गर्ने पनि निर्णय भयो ।
बैठकले प्रलेसका अर्घाखाँची जिल्ला समितिका अध्यक्ष बुद्धिबहादुर रायमाझीको निधन भएकोमा एक मिनेट मौनधारण गर्नुका साथै उहाँप्रति भावपूर्ण श्रद्धाञ्जली अर्पण ग¥यो ।”
