काठमाडौँ । राष्ट्रिय जनमोर्चा नवलपुरले भ्रष्टाचारको विरुद्धमा विरोधसभा सम्पन्न गरेको छ ।
राजमो केन्द्रीय सदस्य भागिरथ भट्टराईको प्रमुख आतिथ्यमा २०८२ साउन २८ गते बुधबार सो कार्यक्रम सम्पन्न भएको हो ।
सो अवसरमा मन्तव्य राख्दै प्रमुख अतिथि भट्टराई देशमा भ्रष्टाचार व्यापक बन्दै गएको बताउनुभयो ।
भ्रष्टाचारको विरुद्धमा जनस्तरबाट चेतना उठाउनुपर्ने आवश्यकतामा उहाँ जोड दिनुभयो ।
कार्यक्रममा नेकपा (मसाल) नवलपुरका प्रवक्ता चन्द्र सापकोटाले पनि मन्तव्य राख्नुभएको थियो ।
राजमो नवलपुरका अध्यक्ष गिरबहादुर महतराको अध्यक्षतामा अघि बढेको उक्त कार्यक्रमको सञ्चालन मूल प्रवाह अखिल भारत नेपाली एकता समाजका पूर्व केन्द्रीय सचिव प्रेम सापकोटाले गर्नुभएको थियो ।
सहिदप्रति एक मिनेट मौनधारणसँगै अगाडि बढेको उक्त कार्यक्रमलाई राजमो नवलपुरका जिल्ला सदस्य तथा गैँडाकोट नगर समितिका अध्यक्ष होमनाथ पराजुलीले स्वागत मन्तव्य राख्नुभएको थियो ।
