हामीले यसपटक राष्ट्रिय जनमोर्चाका नेता तथा बाग्लुङ जिल्ला समन्वय समितिका प्रमुखलाई अमर थापासँग युगदर्शन मिडियामा विभिन्न विषयमा छलफल तथा अन्तर्वार्ता गरेका थियौं । उहाँले हामीलाई बाग्लुङ जिल्ला अन्तर्गतका विभिन्न विषय, राजनीतिक एवं जनसरोका सवालमा प्रष्ट्याउनु भयो । यहाँ हामीले उहाँसँग गरिएको कुराकानी संक्षिप्तमा प्रस्तुत गरेका छौं ।

जैमिनीको असार २५ बारे :

‘जैमिनी नगरपालीका १० पैयुँथन्थापमा असार २५ गते परेको अविरल वर्षा र त्यसको कारण आएको बाढिले धेरै भौतिक रुपमा नोक्सान पुगेको छ ।’ थापाले भन्नु भयो, ‘यस बारेमा हाम्रो क्षेत्रका माननीय चित्र बहादुर केसीलाई अवगत गराएका छौं । त्यस्तै जिल्ला प्रसान प्रमुखमार्फत तत्काल समाधानका लागि पहल गरेका छौं ।’

उत्तरगंगा जलविद्युत परियोजना बारे :

‘उत्तरगंगा विद्युत योजनाले जिल्लाको विकायसलाई अत्यन्तै राम्रो र महत्वपूर्ण भूमिका निर्वाह गर्ने छ ।’ उहाँले अगाडि भन्नु भयो, ‘त्यसबाट प्रभावित हुनेहरूको बारेमा सरकारले पुनरवास, तथा परियोजनामा शेयर लगानी गर्न पाउने लगायतको योजना छ ।’

राष्ट्रिय जनमोर्चामा किन संगठित हुने ?

‘राष्ट्रिय जनमोर्चा मै सङ्गठित हुनुको उदेश्य त्यस पार्टीले राष्ट्रिय राजनीतिमा खेलेको भुमिका, अन्तर्राष्ट्रिय राजनीतिमा पु¥याएको योगदान निकै महत्वपूर्ण छ ।’ नेता थापाको भनाई थियो, ‘जनतन्त्र, जनजिवीकाको सवालमा राजनीतिक वृत्तमा पुर्याएको अहम भुमिका अतुलनीय छ ।’

वास्तविक कम्युनिस्ट :

‘कम्युनिस्ट बन्नको लागि आधारभूत कुराहरू हुनुपर्दछ, जो सबै नामधारी कम्युनिस्टहरूमा छैन ।’ थापाले कम्युनिस्ट बन्नलाई चाहिने आधारभुत विषयमा भन्नु भयो, ‘अहिले विभिन्न प्रकारका नामधारी कम्युनिस्टहरू छन् । वास्तवमा कम्युनिस्ट भनेको राम्रो प्रकारको समाज निर्माण गर्ने, देशलाई समृद्ध बनाउने, विदेशी हस्तक्षेपहरुको विरोध गर्ने, जनतालाई उत्पेरणा दिने र श्रृजनशिल बाटोमा डोराउन सक्ने मान्छेहरू कम्युनिस्ट हुन्छन् ।’

उहाँहरुको अभियान :

‘अहिले हामीले कम्युनिस्टको आधारभूत उदेश्यलाई परिपुर्ति गर्ने अभियानमा छौं ।’ आफुहरुको अभियानको सन्दर्भमा भन्नुभयो, ‘सबै पहेंला वस्तु सुन हुँदैनन्, टल्कने वस्तुहरू हिरा हुँदैनन् । बाग्लुङ जिल्ला कम्युनिस्ट क्रान्तिकारीहरूको उद्गम स्थल हो, अहिले पनि अवस्था अत्यन्तै राम्रो छ ।’

मिसन ८४ :

‘अहिले ०८४ को कुरा गर्नेहरूले वर्तमान राज्य सत्तामा पुगेर गरिरहेको गतिविधि के हो ? त्यस बारे पनि हामी प्रष्टछौं । नेपाली जनता लाटा छैनन्, उनीहरूका गतिविधी र कामलाई नेपाली जनताले ठिकसँग नियाली रहेका छन् ।’ थापको अगाडि भनाई थियो, ‘हामी विभिन्न कार्ययोजनाहरू अन्तर्गत नै अगाडि बढिरहेका छौं । जो यहाँहरूले विभिन्न माध्यमबाट जानकारी पाउनु हुनेछ ।’