काठमाडौँ । नेकपा (मसाल) का महामन्त्रीसमेत रहनुभएका प्रगतिवादी साहित्यकार मोहनविक्रम सिंहको युट्युब च्यानल खुल्ने भएको छ ।

जनशिक्षा गृहकी सञ्चालिका दुर्गा पौडेलले २०८२ असार २३ गते सोमबार सो जानकारी दिनुभएको हो ।

‘युगको आह्वान’ (कल अफ द इरा) शीर्षक रहेको सो च्यानलको केही काम बाँकी रहेकाले सो पूरा हुँदासाथ च्यानल सञ्चालनमा आउने बताइएको छ ।

यस सम्बन्धमा पौडेलद्वारा जारी सूचना यस्तो छ :

तपाईंहरुलाई यो बताउँदा मलाई प्रसन्नता भइरहेको छ कि Call of the era (युगको आह्वान) नामको नयाँ युट्युब खुल्दैछ । त्यसको उद्देश्यमाथि प्रकाश हाल्दै त्यो युट्युब विवरणमा लेखिएको छ : मार्क्सले लेखेका छन्, दर्शनको मुख्य कार्य संसारलाई बदल्नु हो । विद्यमान शोषण, उत्पीडन, असमानता र पराधीनतालाई समाप्त गरेर एउटा स्वतन्त्र, सुखी, सम्पन्न र सुन्दर संसारको निर्माण गर्नु अहिलेको युगको आवश्यकता हो । त्यसका लागि मानिसको सम्पूर्ण चिन्तन प्रणालीमा क्रान्तिकारी रूपान्तरणको आवश्यकता छ । त्यही उद्देश्य पूरा गर्न ऋबिि Call of the era (युगको आह्वान) ले क्रान्तिकारी दर्शन, विचार वा साहित्यलाई तपाईंहरुका समक्ष प्रस्तुत गर्ने प्रयत्न गर्नेछ : मोहनविक्रम सिंह ।

त्यसमा का. मोहनविक्रम सिंहको “गङ्गाकावेरी एक्सप्रेस” का कविताका तलका पङ्क्तिलाई गीतको ध्वनिको रूपमा रहनेछन् :

“संसारभरिका क्रान्तिकारी सङ्घर्षहरू
एउटै विश्व क्रान्तिका कडीहरू हुन्
एउटै वर्गसर्ङ्षका सिलसिला”

त्यो युट्युबका आन्तरिक तयारीसम्बन्धी केही कार्य पूरा गर्न केही समय लाग्ने भएकाले त्यो तयारी पूरा भएपछि त्यो सञ्चालन हुनेछ ।

सब्सक्राइबको लागि तलको लिंकमा जानुहुन हार्दिक अनुरोध गर्दछौं ।

www.youtube.com/@CalloftheEraयुगकोआह्वान