महेश रिजाल, भालुबाङ (दाङ) ।
राप्ती गाउ“पालिका–१ पुल्चोक भालुबाङस्थित स्वर्गद्वारी प्राथमिक तथा गृहिणी महिला आधारभूत विद्यालयमा निजी लगानीमा सरस्वती मन्दिरको २०८२ असार २३ गते सोमबार शिलान्यास गरिएको छ ।
स्थानीय शिक्षाप्रेमी तथा उक्त विद्यालयका सस्थापक यमबहादुर केसीको पाँच लाख रुपियाँ लागतमा मार्बलजडित सरस्वतीको मन्दिर स्थापना गर्न लाग्नुभएको हो ।
उक्त मन्दिर २०८२ सालको सरवस्ती पूजाका दिन उद्घाटन गरी उक्त सामुदायिक विद्यालयलाई हस्तान्तरण गरिने निर्माणकर्ता तथा दाता केसीले जानकारी गराउनुभयो ।
विद्यालय व्यवस्थापन समितिका अध्यक्ष वासुदेव पण्डितको अध्यक्षतामा सम्पन्न समारोहमा शिवमन्दिरका पुजारी शिवहरि न्यौपानेको सरस्वती वाचनपछि प्रमुख अतिथि एवम् मन्दिर निर्माण सहयोगदाता केसीले शिलान्यास गर्नुभएको थियो ।
विद्यालयका प्रधानाध्यापक अमिताभ आलम हलुवाईको सञ्चालनमा सुरु भएको सो समारोहलाई स्वर्गद्वारी टोल विकास संस्थाका अध्यक्ष होतराज आचार्य, शिक्षाप्रेमी चुमानसिंह खड्का, खिमलाल खनाल, रामप्रसाद भुसाल, मोहन श्रेष्ठ, विद्यालय व्यवस्थापन समितिका सदस्य अमृता नेपाली, जग्गादाता नरबहादुर खत्री, शिक्षाप्रेमी पदमबहादुर जिसी, विद्यालय व्यवस्थापन समितिका सदस्य सागरलगायतका विद्यालय शिक्षकशिक्षिका, छात्रछात्रा एवम् अभिभावकको सहभागिता रहेको थियो ।
स्वर्गद्वारी प्रावि तथा गृहिणी महिला विद्यालय २०६२ सालमा स्थापना भई यस क्षेत्रको शैक्षिक उन्नयनमा महत्त्वपूर्ण योगदान पुऱ्याउँदै आएको आयोजकले दाबी गरेको छ ।
