काठमाडौं । नेपाल सङ्गीत तथा नाटुय प्रज्ञा प्रतिष्ठान अन्तर्गतको शास्त्रीय सङ्गीत प्रस्तुती कार्यक्रममा हेमराज आश्रम सुनिएका हुन् । सो कार्यक्रममा आश्रमले राग केदार प्रस्तुत गर्नु भएको थियो । आश्रमले मन भित्र तन भित्र राख, शान्त र सुन्दर देश, बोलको बन्दीसमा राग केदार प्रस्तुत गर्नु भएको थियो ।
उहाँलाई साथ दिने अन्य कलाकारहरूमा तबलामा अनन्त प्रजापति, भायोलिनमा यतीराज अधिकारी, हारमोनियममा आसा थापा, तानपुरामा आश्रम सङगीत पाठशाला सितापाइलाका विद्यार्थीहरू रुपक भट्टराइ, श्रीषा वाग्ले र सुहेमराज पुन हुनु हुन्थ्यो । उहाँले झण्डै ४० मिनेट प्रस्तुती दिनुभएको थियो ।
‘शास्त्रीय सङ्गीतको देशै भर प्रसार, युवा र विद्यार्थीको ज्ञानको आधार’ भन्ने मुल नाराको साथ आयोजित उक्त कार्यक्रम कृतिपुर मा.वि., कृतिपुरमा भएको थियो । नेपाल सङ्गीत तथा नाटुय प्रज्ञा प्रतिष्ठान उपकुलपती सम्भु राइको अध्यक्षता, नेपाल प्रज्ञा प्रतिष्ठानका कुलपती मा. भुपाल राइको प्रमुख आतिथ्यता, कार्यक्रम संयोजक डक्टर किरांतको स्वागत मन्तब्य र कृर्तिपुर मा.वि. को सञ्चालन रहेको थियो । सो कार्यक्रममा नगेन्द्र राइको समुहले बाँसुरीमा राग यमन, नविन सुवेदीको समुहले तबला सोलो, केही शास्त्रीय नृत्य पनि प्रस्तुत गरेका थिए । साथमा कृतिपुर मा.वि.का छात्रा तथा छात्रहरूले पनि विविध प्रस्तुतीहरू राख्नु भएको थियो ।
