बेलबारी (मोरङ) । अठारौँ गणतन्त्र दिवसका दिन तीनदिने ॅकेही सुनौँ, सुनाऔँ केही सृजनात्मक उत्सव २०८२’ को पहिलो दिन कविता सुनाउने र सुन्ने कार्यक्रम सम्पन्न गरियो ।
गणतन्त्र दिवसको अवसर पारेर २०८२ जेठ १५ गते सुकुना बहुमुखी क्याम्पस, सुन्दरहरैँचामा सो कार्यक्रम सम्पन्न भएको हो ।
कार्यक्रमकी प्रमुख अतिथि वरिष्ठ प्रगतिवादी कवयित्री कुन्ता शर्माले कविता लेख्दा विचारलाई प्रधानता दिनुपर्ने र विचार सँगसँगै शिल्प पनि चाहिने बताउनुभयो ।
सो अवसरमा उहाँले आफूले भावुक बन्दा, चित्त दुख्दा, रिस उठ्दा र खुसी हुँदा कविता लेख्ने बताउनुभयो ।
प्रमुख अतिथिसहित १६ जना कविले आआफ्ना एकेकओटा कविता वाचन गर्नुभएको थियो ।
वाचन गर्ने कविहरूमा कुन्ता शर्मा, आचार्य अ. (अमृतप्रसाद आचार्य), ईरानराई, मीनकुमार श्रेष्ठ नवोदित, डा. दीपक न्यौपाने, देवान किराँती, अमित थेबे मिहाङ, किरण टी. लिम्बू, सोम भट्टराई, वासु अधिकारी, रमेश निरौला, विनोद विवश, हिरा खड्का अधिकारी, पुष्पा बोगटी, गीताप्रसाद श्रेष्ठ र नवीन थापा क्षेत्री हुनुहुन्थ्यो ।
पानसमा द्वीप प्रज्ज्वलन गरेर प्रमुख अतिथि शर्माले उद्घाटन गर्नुभएको सो कार्यक्रममा सहआयोजक सुकुना क्याम्पसका सहायक क्याम्पस प्रमुख गणेशप्रसाद दहालले स्वागत मन्तव्य, रूपनारायण श्रेष्ठले अध्यक्षता र केपी घिमिरेले सञ्चालन गर्नुभएको थियो ।
कार्यक्रममा साहित्यकारहरू रेखा सुवेदी, तिला लेकाली, बादल चाम्लिङ, युवराज ठकुरी, दीप मङ्ग्राती, मुना आत्रेय, राजेश थापा र तीर्थराज सिग्देल अतिथि हुनुहुन्थ्यो ।
कार्यक्रमको कार्यतालिका अनुसार जेठ १६ गते १७ जनाको गजल र जेठ १७ गते सम्मानसहित ११ जनाको रचना वाचन कार्यक्रम रहेको आयोजक केपी घिमिरेले जानकारी दिनुभयो ।
