काठमाडौँ । राष्ट्रिय जनमोर्चा पाल्पाका अध्यक्षसमेत रहनुभएका विशाल दर्लामी ॅऊ नदीको’ शीर्षकको अडियो एलबम लिएर प्रस्तुत हुनुभएको छ ।

दर्लामीको अडियो एलबम २०८२ वैशाख १९ गते शुक्रबार साँझ सार्वजनिक भएको हो ।

एलबममा शब्द र स्वर दर्लामीकै रहेको छ भने सङ्गीत तथा सङ्गीत संयोजन हेमराज आश्रमले गर्नुभएको छ ।

तीन मिनेट ३२ सेकेन्डको सो एलबम आश्रम म्युजिकको युट्युब च्यानलबाट भएको हो ।

यस्तो छ, गीतको शब्द :

ऊ नदीको बेगसँगै लड्दै पौडिरहने
खोचहरूमा ठोक्किँदै, छालहरूमा तैरिँदै
पहाड फोडेर निस्किएको चम्किलो तारा ऊ

उसको जीवन शान्ति बोल्छ उसको जीवन क्रान्ति बोल्छ
मुटुभित्र अदम्य साहस ज्वारभाटासँग सधैँ जुध्छ
ऊ नदीको बेगसँग….

बन्धनहरूले गल्दैन ऊ, सङ्कटहरूमा ढल्दैन ऊ
फूल बनी शुवास छर्छ, चन्द्रमाजस्तै उज्यालो दिन्छ
ऊ नदीको बेगसँग….