काठमाडौँ । अखिल नेपाल प्रगतिशील लेखक सङ्घ (अन्पा) ले नियमित रूपमा सञ्चालन गर्दै आएको साहित्यिक पदयात्राको दशौँ भाग २०८२ वैशाख १३ गते शनिबार सम्पन्न भएको छ ।
ललितपुर जिल्लाको महालक्ष्मी नगरपालिकाको लामाटारबाट सुरु भएको पदयात्रा लाकुरीभन्जयाङसम्म सम्पन्न भएको थियो ।
नयाँ र पुराना पुस्ताका स्रष्टाको कलामा निखारता तथा प्रस्फुटित गर्ने, त्यसका साथै साहित्यिक गतिविधिमा प्रोत्साहित गर्ने उद्देश्यका साथ सो पदयात्रा सञ्चालन भएको अन्पाका अध्यक्ष समीर सिंहले जानकारी दिनुभयो ।
अध्यक्ष समीर सिंहका अनुसार पदयात्रामा आफूसहित महासचिव भीष्म जोशी, केन्द्रीय सदस्य ऋतु केसीका साथै गण्डकी प्रदेशसभाका पूर्व सांसद सुप्रभा थापा, अखिल नेपाल कानुन व्यवसायी सङ्घ (अन्ला) का अध्यक्ष अधिवक्ता पदम रोका., लेखक तथा सृष्टा डा. बालचन्द्र मिश्रको सहभागिता थियो ।
त्यस्तै, पदयात्रामा सगरमाथाको चुचुरो पुगिसकेकी इसु भट्टका साथै सान्वी जोशी, मालता बेल्बासे, श्रीषा वाग्ले, मेष्मा पुन, पवन पौडेल, विनीता देवकोटा, बबिता थापा, सगर सुवेदी, इनाम केसी, हरि सर्तुङी, विनीता निरौला, विनिशा निरौला, युगीन श्रेष्ठ, मुना तामाङ, अपेक्षा गिरी, सोभिता गिरी, सुहेमराज पुन, अर्चना चौधरीको पनि सहभागिता थियो ।
२५ जना स्रष्टाको उपस्थिति रहेको पदयात्रामा पौडेलधारा, लाकुरी भन्ज्याङ र काफलडाँडामा विभिन्न साहित्यिक प्रस्तुति दिइएको थियो ।
