काठमाडौँ । रक्तिम सांस्कृतिक अभियानले संघीयताविरुद्ध सडक सांस्कृतिक अभियान जारी राखेको छ ।
संघीयताविरुद्ध राष्ट्रिय जनमोर्चाले चैत २४ देखि सुरु गर्न लागेको साताब्यापी आन्दोलनको कार्यक्रम प्रचार प्रसार गर्ने उदेश्यले काठमाडौँमा सडक सांस्कृतिक अभियान गरेको हो ।
रक्तिमका कलाकारहरूले दैनिक ४/५ स्थानमा विभिन्न प्रस्तुती दिने गरेका छन् ।
मंगलबार राजधानीको सुन्धारा, शान्तिवाटिका, प्रदर्शनमार्गलगायतका स्थानमा कार्यक्रम भएको रक्तिमका महासचिव हेमराज आश्रमले जानकारी दिनुभयो ।
अध्यक्ष गिरीीप्रसाद बूढा नेतृत्वको टोलीले संघीयताविरुद्ध विभिन्न गीत, नृत्य तथा अभियन प्रस्तुत गरिरहेको छ ।
कार्यक्रममा हालै रेकर्ड गरिएको नयाँ गीत ‘किन चाहियो सङ्घीयता’, ‘मलाई डर छैन’ (कमेडी), ‘देश जान थाल्यो’, ‘शिशिर चिर्ने’, ‘उस्तै छ हामीलाई पिरलो’ लगायतका गीतमा प्रस्तुति दिने गरिएको छ ।
कार्यक्रममा अध्यक्ष बुढा, महासचिव आश्रम, केन्द्रीय सदस्यहरू उषा तारामीमगर, मानबहादुर नेपाली, क्षितिजा राहादी, विन्दु परियार, हरि सर्तुङी, युजिन श्रेष्ठ, रमेश पुन, भुमा श्रीस, झविन्द्र नेपाली, प्रेनिला ज्ञामीमगर, समष्टि बुढालगायत सहभागी हुनुहुन्छ ।
यस्तै, राजमो नेता कार्यकर्ताहरूको समेत उल्लेख्य सहभागिता रहेको छ ।
